လက်ရှိ ကိုဗစ် ၁၉ ပြန့်ပွားမှုသည် ကျန်းမားရေးဝန်ထမ်း CDM ပြုလုပ်ခြင်းထက် စစ်ကောင်စီ၏ အုပ်ချုပ်ရေးစီမံကိန်း မမှန်ကန်မှုကြောင့် ပြည်သူအများအပြားသေဆုံးနေရခြင်းဖြစ်သည် ဟု CDM ဝန်ထမ်းများက ပြောဆိုလိုက်သည်။

မြန်မာတဝှမ်း စစ်ကောင်စီ လက်ထက်တွင် ကိုဗစ်-၁၉ တတိယလှိုင်း ကြုံတွေ့နေရပြီး၊ ကူးစက်မှုနှုန်းမြင့်တက်လာကာ သေဆုံးမှုနှုန်းလည်း တရက်လျှင် ရာချီရှိသည်။

ထို့နောက် စစ်ကောင်စီ မှ ကိုဗစ်-၁၉ ကူးစက်မှုမြင့်တက်လာသည့်အတွက် လက်ရှိမှာ ဝန်နှင့်အား မမျှဖြစ်နေသဖြင့် ကျန်းမာရေး ဝန်ထမ်း နှင့် စေတနာ့ဝန်ထမ်းများ ပူးပေါင်းပါဝင်လာရန် စစ်ကောင်စီ၏ ကျန်းမာရေးဝန်ကြီးဌာနက မေတ္တာရပ်ခံလာသည်။

စစ်ကောင်စီဟာ အာဏာသိမ်းသည့် ဖေဖော်ဝါရီ ၁ ရက် နောက်ပိုင်း NLD အစိုးရလက်ထက် ကိုဗစ်-၁၉ ကာကွယ်ထိန်းချုပ်ရေးလုပ်ငန်းများတွင် ပူးပေါင်းပါဝင်ခဲ့သည့် ပရဟိတလုပ်ငန်းများ၊ အဖွဲ့အစည်းရုံးများကို ဝင်ရောက်စီးနင်းရှာဖွေပြီး ပရဟိတသမားများကိုလည်း ဖမ်းဆီးခြင်း၊ နိုင်ငံတော်အကြည်ညိုပျက်စေမှု ပုဒ်မများတပ် တရားဆွဲဆိုခဲ့သည်။

ထို့ကြောင့် လက်ရှိ ကိုဗစ်-၁၉ မြင့်တက်မှုသည် စစ်ကောင်စီ၏ အုပ်ချုပ်ရေးစီမံကိန်းသည် မမှန်ကန်သောကြောင့် ပြည်သူများ အများအပြားသေဆုံးနေရခြင်းဖြစ်သည်ဟု CDM တွင် ပါဝင်နေသည့် ကျန်းမားရေးဝန်ထမ်းတစ်ဦးက သျှမ်းသံတော်ဆင့်ကို ပြောသည်။

“ ကိုဗစ် ပြန်နေတာက CDM လုပ်နေတဲ့ ကျန်းမားရေးဝန်ထမ်းကြောင့်မဟုတ်ဘူးလေ။ ကိုဗစ် ပြန်ပွားနေတယ်ကို ထိန်းချုပ်ဖို့နည်းလမ်းတွေက အများကြီးရှိတယ်။ အဲလိုမလုပ်တာရှိတယ်။ ကျန်းမားရေးဝန်ထမ်းတွေက လုပ်ငန်းခွင်ပြန်သွားလို့ ကိုဗစ်က ကျသွားမှာမဟုတ်ဘူး။ ဖြစ်နေတာက သူတို့အုပ်ချုပ်မှုစနစ် မမှန်ကန်တာ” ဟု နေပြည်တော်တွင် တာဝန်ထမ်းဆောင်ခဲ့ဖူးသည့် CDM ကျန်းမားရေးဝန်ထမ်းတစ်ဦးက ပြောသည်။

သို့သော်လက်ရှိတွင် CDM ကျန်းမားရေးဝန်ထမ်းများက လုပ်ငန်းခွင်တွင် မသွားသော်လည်း ရောက်ရှိသည့်နေရာ အရပ်တွင် ကိုဗစ် ၁၉ အတွက် သနိုင်တလောက်ပါဝင်ထမ်းဆောင်နေကြောင်း ၎င်းက ပြောသည်။

လက်ရှိ အချိန်ထိ စစ်ကောင်စီဘက်မှ ပရဟိတအဖွဲ့များနှင့် ပြည်သူများအတွက် လိုအပ်သည့် ပစ္စည်းများကို ကူညီးထောက်ပံ့ပေးချင်တစ်စုံတစ်ရာမရှိကြောင်း မူဆယ်မြို့ ပရဟိတအဖွဲ့အစည်းတစ်ခုက သျှမ်းသံတော်ဆင့်ကို ပြောသည်။

“ သူတို့ ဒီလိုသာပြောနေတာ။ ဘာမှကူတာလဲမရှိဘူး။ နှောက်ယှက်နေတာပဲရှိတယ်။ အခုဆို အောက်ဆီဂျင်လို နေတာတောင်မှ သူတို့က ဘာမှမလုပ်ပေးနိုင်ဘူး။ ကျနော်တို့ကတော့ ပြည်သူအတွက် ဆက်လက်ပြီး ပရဟိတ လုပ်သွားမှာပါ” ဟု မူဆယ်မြို့ ကိုဗစ် ၁၉ လူနာများကို ကူညီးပေးနေသည့် အမည်မဖော်လိုသည့် အမျိုးသားတစ်ဦး က သျှမ်းသံတော်ဆင့်ကိုပြောသည်။

ဖေဖော်ဝါရီ ၁ ရက်နေ့ စစ်အာဏာသိမ်းယူပြီးနောက်ပိုင်း ငြိမ်းချမ်းစွာဆန္ဒပြနေသည့် ပြည်သူများ၊ အစိုးရဝန်ထမ်းများ၊ ကျန်းမားရေးဝန်ထမ်းများ၊ ပရိဟိတ အဖွဲ့များကို ရိုက်နှိက်ခြင်း၊ အဆောက်အုံးများကို ဖျတ်ဆီးခြင်း၊ ပုဒ်မ အမျိုးမျိုးဖြင့် ဖမ်းဆီးခဲ့ကြသည်။

ထိုကြောင့် လက်ရှိတွင် ပရိဟိတ အဖွဲ့များအနေဖြင့် စစ်ကောင်စီ လက်အောက်တွင် အလုပ်လုပ်နေခြင်းမဟုတ်ပဲ၊ ပြည်သူအတွက်သာ အလုပ်လုပ်နေသည်ဟု ပရဟိတ အဖွဲ့များက ပြောသည်။

“ တကယ်တော့ပရဟိတအသင်းတွေက ဝိုင်းတော့ကူနေတယ်။ စစ်ကောင်စီတွေက ကူတုန်းကလည်း ဖမ်းဆီးနှိပ်စက်၊ စခန်းတွေဝင်စီး၊ မီးရှိုး၊ ဖျတ်ဆီး လူတွေကိုအရေးယူ ထောင်ထဲထည့်တယ်။ ကျနော်တို့ကတော့ စစ်အစိုးရလက်အောက် ကနေလုပ်တာမဟုတ်ဘဲ ပြည်သူလူထုက လှူထားတဲ့ ပိုက်ဆံအတွက်နဲ့ပဲ ပြည်သူလူထုအတွက်ပြန်လုပ်ပေးမှာပါ။” မူဆယ်မြို့ ပရိဟိတအဖွဲ့တစ်ခုက ပြောသည်။

အလားတူ ကျန်းမားရေးဝန်ထမ်းတစ်ဦးကလည်း “ ကျမတို့ ကျန်းမားရေးဝန်ထမ်းတွေဆိုတာ ပညာရှင်ပါပဲ။ လူသတ်ကောင်တွေလည်း မဟုတ်ဘူး။ တရားတဲ့ဘက်ကို ရပ်တည်တာကိုပြတာ။ သူတို့က ကျန်းမားရေးဝန်ထမ်းတွေကို သတ်ဖြတ်တာ။ ရိုက်နှက်တာ။ ဖမ်းဆီးတာတွေက တခုမှ လက်ခံနိုင်စရာအကြောင်းတွေမရှိဘူး” ဟု အထက်ပါ CDM တွင်ပါဝင်နေသည့် ကျန်းမားရေး ဝန်ထမ်းကပြောသည်။

မြန်မာနိုင်ငံတွင် ကိုဗစ် ၁၉ ပြန့်ပွားမှုများနေသော်လည်း စစ်ကောင်စီဖက်မှ ကောင်းစွာထိန်းချုပ်နိုင်ခြင်း မရှိကြောင်း သိရသည်။