တောင်ကြီးမြို့ပေါ် ရှိရပ်ကွက် တစ်ချို့ကို စစ်ကောင်စီ အုပ်စုက လူနေအိမ်များထဲ မီးထိုးရှာဖွေမှုများ ၊ဝင်ရောက်ဖမ်းဆီးမှုများ ၊ လမ်းစုံများတွင် ယာဉ်များတားကာ ပစ္စည်းရှာဖွေမှုများ ရက်ပိုင်းအတွင်း ဆက်တိုက်ပြုလုပ်လာကြောင်း မြို့ခံများထံမှသည် ။
” မနေ့ညက ဝါးပြားမြောက်ရွာမှာ အိမ်စီးကား၆ စီးနဲ့ မဟာစည် လမ်းဖက်ကလာပြီး အိမ်တွေထဲထိ ဆလိုက်မီးတွေထိုးပြီးရှာနေကြတာ ကားမီးတွေလဲစူးနေအောင်ထိုးထားတယ် ၊ သေနတ်တွေလည်း ဖောက်တယ် ဝါးပြားမှာ ၃ ညလောက်ရှိပြီ သူတို့ ညတိုင်း လာရမ်းကားနေတာ ဘာသတင်းရထားလဲမသိဘူး၊ လူမတွေ့ရင် လမ်းပေါ်က ခွေးတွေနဲ့ တောင်ရန်ဖြစ် တယ်လေ
ကြားနေရတာပေါ့ ” ဟု ဝါးပြားရပ်နေ ပြည်သူများကပြောသည် ။
ဇွန်လ ၂၃ ည တွင်ကျောင်းကြီးစုရပ်၊ ဝါးပြားမြောက်ရွာအတွင်း စစ်ကောင်စီအုပ်စုမှ သေနတ်ပစ်ဖောက်ခြင်းများ ပြုလုပ်လျှက်ရှိပြီး ထိခိုက်မှု ရှိမရှိ အတည် မပြုနိုင်သေးကြောင်း သိရသည် ။
” ရှေ့ရက်ကလဲ ကျောင်းကြီးစု ကနေအိမ်ထဲ ၉တန်းကျောင်းသားကို ရာဘာကျည်နဲ့ ပစ်ရိုက်နက်ပြီးခေါ်သွားတာ သူ့အမေက သူသားကို ဝိုင်းရိုက်နေတာတွေ့တော့ ဝင်တားတာ သူ့အမေပါ ခေါင်း ကွဲ အောင်ရိုက်ခံရတာ ” ဟုကျောင်းကြီးစုရပ်နေ ပြည်သူတစ်ဦးကပြောသည် ။
ဝါးပြားလမ်းစုံမီးပွိုင့်တွင် ည ( ၇ )နာရီကျော် အချိန်တွင် စစ် ကောင်စီ အုပ်စုမှ ဆိုင်ကယ် ကားများ တား၍ ပါလာသမျှပစ္စည်းများ အားအတွင်းကျကျ စစ်ဆေးမှုများပြုလုပ်နေကြောင်းသိရသည် ။
ဘာမှမလုပ်တဲ့ ကလေးတွေ မိဘ မျက်စိရှေ့မှာပဲထားတဲ့ ကလေးတွေလဲ ဝင်ဖမ်းနေတာ ဘာအဓိပ္ပါယ်လဲ ၊ သေချာတာ ကတော့ ဒီစစ်အုပ်စုက ကြောက်ရမ်းရမ်းနေပြီ ၊ ကလေးတွေ အကုန်လုံးကို သူတို့ မျက်စိထဲ PDF တွေလို့ပဲ မြင်နေတာ
ထို့အပြင် မြေဖြူ နှင့် ညောင် ဖြူစခန်း ရပ်တို့တွင်လဲ ည အချိန် ဧည့်စာရင်း စစ်ခြင်းများကို အကြောင်းပြု၍ လူနေအိမ်အတွင်းရှိ ပစ္စည်းများကို မွှေနှောက်ရှာဖွေခြင်းများပြုလုပ်လာကြောင်း သိရသည် ။
“ကျမ အသိအိမ်ဆို တံခါးတွေ ကန်ဖွင့် ဧည့်စာရင်းစစ်တယ်ပြောပြီး အိမ်ထောင်စုဇယား မိတ္တူ တွေပါ ယူသွားတယ်” ဟု ပြည်သူတစ်ဦးကပြောသည် ။
တောင်ကြီး မြို့အတွင်း စစ်ကောင်စီအုပ်စု များသည် တိုက် အထပ်မြင့် များပေါ် တွင် နေရာယူ
ထားခြင်း ၊ ဘုန်းကြီးကျောင်းဝန်းများပေါ်တွင် မြေ ကတုတ်ကျင်း တူး၍ တပ်စွဲထားခြင်း များပြုလုပ်နေပြီး လူငယ်များအား အကြောင်းမဲ့ ဖမ်းဆီးခြင်းများ ပြုလုပ်လျှက်ရှိကြောင်း ဒေသခံ ပြည်သူများမှ ပေးပို့လာသော အချက်အလက်များအရသိရှိရပါသည်။
Leave a Comments