မန္တလေးမြို့တွင် ယမန်နေ့(ဇွန် ၂၂)ရက် တွင် စစ်ကောင်စီ ၏ လက်ချက်ကြောင့် သျှမ်းပြည် မြောက်ပိုင်းသား (၄) ဦးကျဆုံးခဲ့ကြောင်း သိရသည်။
ယမန်နေ့ (ဇွန် ၂၂)ရက် မန္တလေးမြို့ (၅၆) လမ်းနှင့် (၁၁၀)လမ်းထောင့်ရှိ ထရန်စဖော်မာကို ဝင်တိုက်ပြီးတော့ သေဆုံးသွားတဲ့ အကြမ်းဖက်သမား (၄) ဦးဖြစ်တယ်ဟု စစ်ကောင်စီ က သတင်းလိမ်ညာထုတ်ပြန်ခဲ့သည်။
အဆိုပါ အရပ်သား (၄ )ဦးသည် မန္တလေး မြို့နယ် စဉ့်ကိုင်မြို့ ရှိ ကြက်ခြံကို သွားရောက်ကြည့်ရှုရန်အတွက် နမ့်ခမ်းကနေ ထွက်ခွာသွားခဲ့ကြ သည့် သျှမ်းပြည် မြောက်ပိုင်း နမ့်ခမ်းနှင့် သီပေါမြို့နယ်က လူငယ်တွေ ဖြစ်ကြောင်း သိရသည်။
ထိုလူငယ် (၄)ဦးသည် နမ့်ခမ်းမြို့ဇာတိ နိုင်ထွန်းကြည်၊ နိုင်လိုင်း၊ ချစ်ဆွေ ဆိုသည့် တအာင်း လူငယ် ၃ ဦးနှင့် အားတီ အမည်ရှိ သီပေါမြို့မှ လူငယ်တစ်ဦးတို့ ဖြစ်ကြကြောင်း ချစ်ဆွေနှင့် နီးစပ်သူတစ်ဦးက သျှမ်းသံတော်ဆင့်ကို ပြောသည်။
“သေဆုံးတဲ့အထဲက ချစ်ဆွေဟာ အရင်က တအာင်းလူငယ် မော်ဒယ်တစ်ဦးဖြစ်ခဲ့ဖူးသူ ဖြစ်ပါတယ်၊ PDF ဖြစ်လို့ ပစ်သတ်ရတာဆိုပြီး စစ်ကောင်စီပြောတာကအမှန်မဟုတ်ပါဘူး၊ သူတို့က ကြက်ခြံမှာပဲ နေကြတာ၊ ကားထဲမှာ ဘာမှလည်း မပါဘူး” ဟု၎င်းက ပြောသည်၊၊
လက်ရှိအချိန်ထိလည်း သေဆုံးသွားသည့် ၎င်းတို့ ၄ ဦး၏ အလောင်းကို စစ်ကောင်စီ ဘက်မှ ယူသွားသည့်အတွက် အလောင်းကို ပြန်ရလိုကြောင်း မိသားစုဝင်များက တောင်းဆိုနေကြကြောင်းလည်း သိရသည်။
Leave a Comments