သျှမ်းရှေ့ မိုင်းဆတ်ခရိုင်၊ မိုင်းဆတ်မြိုတွင် နိုင်ငံ့အာဏာသိမ်းခံရပြီးနောက် မပေါက်ကွဲသေးသည့် မိုင်းတစ်လုံးကို ပထမဆုံးအကြိမ်တွေ့ရှိခဲ့ကြောင်း သတင်းရရှိသည်။
ယမန်နေ့က ဇွန်လ(၇)ရက် မနက်(၈)နာရီခွဲဝန်းကျင်တွင် အထက(မိုင်းဆတ်)ကျောင်းအတွင်းရှိ ချင်းတွင်းဆောင်နှင့် သံလွင်ဆောင်ကြားတွင် ပလပ်စတစ်ဗူးဖြင့် ပြုလုပ်ထားပြီး စနက်တံမီးလောင်ကျွမ်းထားပြီး မပေါက်ကွဲသေးသည့် မိုင်းကို တွေ့ရှိရကြောင်း ဒေသခံတစ်ဦးက သျှမ်းသံတော်ဆင့်ကိုပြောသည်။
“ချင်းတွင်းဆောင် နဲ့ သံလွင်ဆောင်နားမှာတွေ့တယ်၊ လူတစ်ဦးက အဲ့နားဖြတ်သွားရင် မီးလောင်နေတဲ့ စနက်တံကိုတွေ့ပြီး အော်ဟစ်လို့ ပထမဆုံးတော့ စနက်တံမီးကို ငြိမ်းလိုက်ရတယ်၊ အဲ့နောက်တော့ BE တပ်က လာပြီး သိမ်းသွားတာ” လို့ ၎င်းကပြောသည်။
မိုင်းဆတ်မြိုတွင် နိုင်ငံ့အာဏာသိမ်းခံထားရပြီးနောက် ယခုလို မိုင်းတွေ့ရှိခြင်းသည် ပထမဆုံးဖြစ်ကြောင်းနှင့် လက်ရှိတွင်လက်လုပ်မိုင်းပြုလုပ်သူကို ဖမ်းဆီးရမိရေး စုံစမ်းနေကြောင်း သိရသည်။
Leave a Comments