သျှမ်းပြည် အရှေ့ပိုင်း မိုင်းဖြတ်မြို့တွင် စစ်ကောင်စီ မှ အရပ်သားလူငယ် ၂ ဦးကို အကြောင်းမဲ့ ဖမ်းဆီးခေါ်ဆောင်သွားကြောင်း စုံစမ်းသိရသည်။
ယမန့်နေ့ ( မေလ ၁၀) ရက် ည ၁၁ နာရီဝန်းကျင်တွင် လူငယ် တစ်ဦးကို နေပြည်တော် စရဖတို့နှင့် ရဲတို့ က မေးမြန်းစရာရှိသည် ဟု ပြောဆိုကာ ဖမ်းဆီးသွားပြီး၊ ယနေ့ (မေ ၁၁)ရက် နေ့လည်ပိုင်း အချိန်တွင် လူငယ်တစ်ဦးထပ်မံ ဖမ်းဆီးခေါ်ဆောင်သွားကြောင်း သိရသည်။
မိုင်းဖြတ်မြို့နယ် ပတ်ပတ်လည်တွင် စစ်တပ်စခန်းများ ဝန်းရံထားသည့်မြို့ဖြစ်ပြီး၊ ထို့ကြောင့် စစ်အာဏာရှင်ဆန့်ကျင် ဆန္ဒပြရန် ခက်ခဲသည့်ဒေသတခုလည်းဖြစ်သည်။
ယမန်နေ့ (မေ ၁၀)ရက်တွင်လည်း စစ်တပ်မှ အုပ်ချုပ်သည့် အခြေခံ အထက်တန်းကျောင်းရှေ့တွင် စစ်အာဏာရှင် အလိုမရှိ၊ စစ်ကျွန်ပညာရေ အလိုမရှိကြောင်း ဆန့်ကျင်သည့် လှုပ်ရှားမှု ပြုလုပ်မှုကြောင်း အဆိုပါ လူငယ် (၂)ဦးကို ဖမ်းဆီးလိုက်သည့် ဟု ဒေသခံများက ထင်မြင်ပြောဆိုနေကြသည်။
“မနေ့ည ကတစ်ယောက်ဖမ်းသွားတယ်။ ဒီနေ့ နေ့လည်က တစ်ယောက်ထက်ဖမ်းခံရတယ်။ ဘာကြောင့် ဖမ်းတာလဲ တော့မသိဘူး။ မနေ့က ဖမ်းခံရတဲ့သူနဲ့ အဆက်ဆက်ရှိလို့ဖမ်းတာလားတော့ မသေချာသေးဘူး။ အရင်ကတည်းကသူက ၅၀၅ နဲတော့ စွဲခံထားတယ်လို့ပြောတယ်။” ဟု မိုင်းမြတ်မြို့ ဒေသခံ အမျိုးသမီးတစ်ဦးက သျှမ်းသံတော်ဆင့်ကိုပြောသည်။
ယနေ့ ဖမ်းဆီးခံရသောသူမှာ ရွှေနှင်းဆီ မိုဘိုင်းဆိုင် ဦးဂီဒို ဖြစ်ပြီး ဝမ်းဟွေ့ရပ်ကွက်တွင်နေထိုင်ကြောင်း၊ ၎င်းကို တပ်တွင်းသို့ ဖမ်းဆီးခေါ်ဆောင်သွားခဲ့ကြောင်းသိရသည်။
အလားတူ ယမန့်နေ့ဖမ်းဆီးခံရသော သူသည် အသက် ၁၇ နှစ် အောင်ကိုကိုဖြစ်ပြီး ၎င်း သည့် စစ်ကျွန်ပညာရေးစနစ် အလိုမရှိကြောင်း စားရေးသားသောကြောင့် ဖမ်းဆီးခံရသည့်ဟု ဒေသခံများက ပြောသည်။
“ ဟုတ်ပါတယ်။ သူက အသက်မပြည့်သေးဘူး။ ခုမှ ၁၇ နှစ်တဲ့။ ၁၀တန်းဖြေထားတာ။ စစ်ကျွန်းပညာရေး စနစ်အလိုမရှိ စားသားကို ရေးလို့ဖမ်းသွားတယ်လို့ အဲလိုတော့ကြားထားတယ်။ ခုတော့ မိုင်းဖြတ် ရဲစခန်းမှာပဲ။ တွေ့ခွင့်ရသေးတယ်။ ပြန်မလွှတ်သေးဘူး။” ဟု ဒေသခံ တစ်ဦး ကပြောသည်။
မိုင်းဖြတ်မြို့တွင် စစ်အာဏာသိမ်းပြီးနောက် စစ်ကောင်စီမှ ဖမ်းဆီးထားသည့် လူငယ် (၃)ဦးထိရှိလာပြီ ဖြစ်ကြောင်း သိရသည်။
ဖေဖော်ဝါရီ ၁ ရက်နေ့မှ စစ်အာဏာလုယူပြီးနောက်ပိုင်း စစ်အာဏာရှင်ဆန့်ကျင်သူ၊ CDM ဝန်းထမ်းများ၊ ပြည်သူများကို အကြောင်းမဲ့ဖမ်းဆီးပြီး၊ ရာဇသတ်ပုဒ်မ ၅၀၅(က) ဖြင့်တရားစွဲဆိုပြီး ဖမ်းဆီးထားကြောင်းသိရသည်။
