သျှမ်းပြည် မြောက်ပိုင်း မူဆယ်မြို့တွင် ယနေ့( မေလ ၅ ) ရက် မနက် ၇ နာရီခွဲ၌ လက်လုပ်မိုင်း ပေါက်ကွဲမှု ၃ကြိမ်ဖြစ်ပွားခဲ့ကြောင်း သတင်းရရှိသည်။
မူဆယ်မြို့ မနက်ပိုင်း တွင် စစ်အာဏာရှင်အလိုမရှိ လူထု သပိတ်ပြုလုပ်ရာတွင် စစ်ကောင်စီ တပ်ဖွဲ့ က လိုက်ဖြိုခွင်းမှုပြုလုပ်သဖြင့် လူငယ်များက လက်လုပ်မိုင်းပြုလုပ်ပြီး ပြန်လည် ဟန့်တားခဲ့ကြောင်း သိရသည်။
“ ဆန္ဒပြအဖွဲ့တွေက လမ်းမကြီး ကနေ ခရစ်ယာန်ရပ်ကွက်ဘက်သို့ ဝင်းသွားတာ။ ရဲတွေစစ်သားတွေက လိုက်ဖြိုခွင်းဖို့နောက်ကနေ လိုက်ဝင်တော့ လက်လုပ်မိုင်း ၃လုံးနဲ့ဟန့်တားလိုက်တာ ” ဟု မူဆယ်မြို့ ဒေသခံတစ်ဦးက ပြောသည်။
အဆိုပါ လက်လုပ်မိုင်းကို လူငယ်များက ပြုလုပ်ကြောင်း၊ ဆန္ဒပြနေသူများကို မဖမ်းမိအောင် အသံဗုံးဖြင့် နှောက်ယှက်ခဲ့ကြောင်း သိရသည်။
ဖေဖော်ဝါရီ ၁ ရက်နေ့မှ စစ်အာဏာသိမ်းပြီးနောက်ပိုင်း မေလ ၄ ရက်နေ့ထိ စစ်ကောင်စီမှ သတ်ဖြတ်သူ ၇၆၉၊ ဖမ်းဆီးခံထားရသူ ၃၆၇၇ ရှိကြောင်း နိုင်ငံရေး အကျဉ်းသားများ ကူညီစောင့်ရှောက်ရေးအဖွဲ့ AAPP မှ ထုတ်ပြန်ထားသည်။
Leave a Comments