ရင်ခွင်မဲ့ နှင့် မသန်စွမ်းသူများ ကူညီထောက်ပံ့ရေးအဖွဲ့ တောင်ကြီးမြို့နယ် အနေဖြင့် သျှမ်းပြည်နယ် တွင်စတင်လှုပ်ရှား ဆောင် ရွက်သည့်ကူညီ ထောက်ပ့ံရေးတေးဂီတ နှင့် စျေးရောင်းပွဲတော်ကို မြို့တော် ခန်းမတွင် ဇွန်လ (၁၄) ရက်နေ့က ကျင်း ပခဲ့သည် ။
သျှမ်းပြည်နယ်မြို့တော် တောင်ကြီးမြို့တွင် မသန်စွမ်းအသင်းအဖွဲ့ (၄) ဖွဲ့ ရှိပြီး သျှမ်းပြည်နယ် တောင်ပိုင်း တစ်ခုလုံး တွင် လူဦးရေ အနေဖြင့် (၂၄၀၃ ) ဦးရှိကြောင်း ၊ ရင်ခွင်မဲ့ များထိန်းသိမ်းစောင့်ရှောက်ရေးဂေဟာ တောင်ကြီး မြို့တွင် (၈)ခုရှိပြီး သျှမ်းပြည်နယ်တောင်ပိုင်း တစ်ခုလုံးတွင် (၂၃) ခု ၊ လူဦးရေ အားဖြင့် (၂၂၀)ဦး အထိ ရှိသည် ဟု သျှမ်းပြည်နယ် မသန်စွမ် းကော်မတီ ဥက္ကဌ အဖြစ်တာဝန်ယူထားသူ ဗမာတိုင်းရင်းသားရေးရာဝန်ကြီး ဒေါက်တာ အောင်သန်းမောင် ကပြောသည် ။
” အရင်က မိဘမဲ့ လို့သုံးနှုန်းခဲ့ပေမဲ့ ယခုအခါမှာတော့ ရင်ခွင်မဲ့ လို့ခေါ်ဝေါ်သုံးစွဲထားပါတယ် ၊ ကျနော်တို့ဟာ ရင်ခွင်မဲ့ နဲ့ မသန်စွမ်း သူများကို သနားဖို့မလိုပဲ စာနာတတ်ဖို့ပဲလိုပါတယ် ” ဟု ၄င်းကပြောသည် ။
ရင်ခွင်မဲ့ နှင့်မသန်စွမ်း ကူညီထောက်ပံ့ရေးအဖွဲ့ ဂီတဖျော်ဖြေပွဲနှင့် စျေးရောင်းပွဲတော် ကို ဇွန်လ ၁၃ ရက်မှ ၁၇ ရက်နေ့ အထိ ၄ ရက်တိုင်တိုင် ကျင်းပပြုလုပ်သွားမည် ဖြစ်သည်ဟုသိရှိရပါသည် ။
