အကြမ်းဖက် စစ်ကောင်စီမှ ဖွင့်လှစ်မည့် တက္ကသိုလ်၊ကောလိပ်များကို မတက်ရန် အတွက် ကျိုင်းတုံတက္ကသိုလ် ကျောင်းသားများက ပြောဆိုလိုက်သည်။
နိုင်ငံတဝန်းရှိ တက္ကသိုလ်များပြန်လည်ဖွင့်လှစ်ရန် အကြမ်းဖက်စစ်ကောင်စီ မှ ကြိုးစားနေကြောင်း၊ တက္ကသိုလ်များပြန်ဖွင့်ပါက ကျောင်းသားများအနေဖြင့် ကျောင်းမတက်ရန် သျှမ်းပြည်အရှေ့ပိုင်း ကျိုင်းတုံမြို့ရှိ တက္ကသိုလ်ကျောင်းသားများက ထုတ်ပြန်ကြေညာခဲ့သည်။
အဆိုပါ ထုတ်ပြန်ချက်တွင် စစ်ကျွန်ပညာရေးကို လုံးဝ(လုံးဝ) မတက်ရောက်၊ မသင်ယူ ကြဖို့ လိုအပ်ကြောင်း၊ နှစ်ပေါင်းများစွာ ယိုယွင်းပျက်စီးလာခဲ့သော ပညာရေးစနစ်ကြီး ပျက်သုဉ်းသွားစေရန်အတွက် ကျောင်းသား၊ကျောင်းသူများ လက်ထဲတွင်ရှိသော အခွင့်အာဏာကို ပြသကြပြီး ကျောင်း (လုံးဝ) မတက်ကြရန် တိုက်တွန်းရေးသားထားသည်။
“အနာဂတ်လူငယ်တွေအတွက် ဒီလို ဆန့်ကျင် သဘောတူတယ်။ အဓိက ရည်ရွယ်ချက်ကတော့ အကြမ်းဖက်စစ်ကောင်စီဘက်က CDM လုပ်ထားတဲ့ ပညာရေးဝန်ထမ်းတွေ အလုပ်ပြန်ဝင်လုပ်ဖို့ အတွက် ခြိမ်းခြောက်တယ်။ဒါကြောင့် စစ်အာဏာရှင်ကို အတူတွန်းလှန်ဖို့အတွက်ဆိုရင် ကျောင်းသား၊သူတွေ ဆရာ၊ဆရာမ တွေလည်း ပါဝင်ဖို့ လိုတာပေါ့။” ဟု ကျိုင်းတုံ တကသိုလ် ကျောင်းသား တစ်ဦး က သျှမ်းသံတော်ဆင့် ကိုပြောသည်။
ပါရဂူဘွဲ့ကြို သင်တန်းများ၊ မဟာတန်း ရေး ဖြေ၊ သင်တန်းများနှင့် နောက်ဆုံးနှစ် သင်တန်းများကို မေ (၅) ရက်တွင် ပြန်လည်ဖွင့်လှစ်မည်ဟု အကြမ်းဖက်စစ်ကောင်စီက ထုတ်ပြန်ချက်ခဲ့သည်။
တဖက်မှာလည်း အမျိုးသား ညီညွှတ်ရေးအစိုးရ ၊ ပညာရေး ဝန်ကြီးဌာနမှ အာဏာသိမ်း အကြမ်းဘက် စစ်အုပ်စုမှ ပေးအပ်သော ဘွဲ့ ဒီဂရီလက်မှတ်များအားလုံးကို အမျိုးသား ညီညွှတ်ရေးအစိုးရ ပညာရေးဝန်ကြီးဌာနဖြင့် လုံးဝ(လုံးဝ) အသိအမှတ်ပြုမည် မဟုတ်ကြောင်း သျှမ်းပြည်အရှေ့ပိုင်း ကျိုင်းတုံမြို့ရှိ တကသိုလ်များက ထုတ်ပြန်ခဲ့ချက် တစ်စောင် ထုတ်ခဲ့သည်။
Leave a Comments