သျှမ်းပြည် မြောက်ပိုင်း ကွတ်ခိုင်မြို့နယ် မန်ဘန်ကျေးရွာအနီးတွင် ယနေ့ (ဧပြီ ၂၃)ရက် မနက် ၁၁နာရီ ဝန်းကျင်တွင် စစ်ကောင်စီတပ် နှင့် မြောက်ပိုင်းမဟာမိတ်တပ်ဖွဲ့ဝင်တို့ တိုက်ပွဲဖြစ်ကြောင်းသိရသည်။
အဆိုပါ တိုက်ပွဲတွင် အကြမ်းဖက်စစ်ကောင်စီ နှင့် မြောက်ပိုင်းမဟာမိတ်တပ်ဖွဲ့ဝင်ဖြစ်သည့် တအာင်းတပ် ( TNLA၊) ကိုးကန့်တပ် (MNDAA)တို့ပူးပေါင်းကာ တိုက်ပွဲဖြစ်ပွားခဲ့ကြောင်း၊ အသေးစိတ် အချက်အလက် မသိရှိရသေးကြောင်း TNLA သတင်းပြန်ကြားရေး တာဝန်ခံ ဒုဗိုလ်မှူးကြီး မိုင်းအိုက်ကျော် က သျှမ်းသံတေတာ်ဆင့်ကိုပြောသည်။
“ ဒီနေ့ မနက် မန်ဘန်ကျေးရွာနားမှာ ကျနော်တို့ တပ်နဲ့ ကိုးကန့်(MNDAA)ပူးပေါင်း နဲ့ စစ်ကောင်စီတပ် တိုက်ပွဲဖြစ်တာ ဟုတ်ပါတယ်။ သတင်းအချက်အလက် အသေးစိတ်ကိုတော့ မသိရသေးဘူး။ တိုက်ပွဲဖြစ်တာပဲ သိရသေးတယ်” ဟု ဒုဗိုလ်မှူးကြီး မိုင်းအိုက်ကျော် က ဆိုသည်။
ကွတ်ခိုင်မြို့ အထွက် Oriental Highway တိုးဂိတ် ရုံးဝန်းအတွင်း ယနေ့ (ဧပြီ ၂၃)ရက် နေ့လည် ၁နာရီတွင် လက်နက်ကြီးကျည် (၄)လုံးထက်မနည်း ကျပေါက်ကွဲကာ အမျိုးသားတဦး ၏ ဝမ်းဗိုက်ကျည်ထိမှန်ခဲ့ပြီး၊ အဆောက်အဦး နှင့် ကားကိုလည်း ထိမှန်ခဲ့ကြောင်း မျက်မြင်တွေ့ရှိသည့် ယာဉ်မောင် တဦး က ပြောပြသည်။
“တိုးဂိတ်နားမှာ လက်နက်ကြီးကျည်ကျတယ်။ ရုံးထဲမှာနေထိုင်တဲ့အမျိုးသားတဦးရဲ့ ဝမ်းဗိုက်ကျည်ထိတယ်။ အဆောက်အဦး တချို့ နဲ့ ကား လည်း လက်နက်ကြီးကျည်စ ထိမှန်တယ်” ဟု မျက်မြင်တွေ့ရှိသည့် ယာဉ်မောင်း က ဆိုသည်။
ကွတ်ခိုင်မြို့ တွင် ယမန်နေ့(ဧပြီ ၂၂)ရက် ည ၈နာရီကျော်တွင်လည်း လက်နက်ကြီး ပစ်ခတ်မှုရှိကြောင်း ကွတ်ခိုင်ပြည်သူများက ပြောသည်။
Leave a Comments