သျှမ်းပြည်မြောက်ပိုင်း ကျောက်မဲမြို့တွင် ယမန်နေ့(ဧပြီ ၇)ရက် ည (၈နာရီ) ဝန်းကျင်တွင် အကြမ်းဖက် စစ်ကောင်စီ အုပ်စုမှ သေနတ်ပစ်ဖောက်ပြီး အရပ်သား (၂) ဦး ကို ဖမ်းဆီးခေါ်ဆောင်သွားကြောင်း သတင်းရရှိသည်။
ယမန်နေ့ ည (၈) နာရီဝန်းကျင်ခန့်တွင် အကြမ်းဖက်စစ်ကောင်စီအုပ်စုမှ အင်အား အများအပြားဖြင့် ထို ဖမ်းဆီးခံရသည့် အရပ်သား နေအိမ်တွင်း ဝင်ရောက်ပြီး အကြောင်းမဲ့ ဖမ်းဆီးသွားကြောင်း ကျောက်မဲဒေသခံ တဦး ကသျှမ်းသံတော်ဆင့်ကိုပြောသည်။
“ဖမ်းသွားတဲ့ အကြောင်းရင်းတော့ မသိရဘူး။ မနေ့ညက ဖမ်းသွားတယ်။သေနတ်ပစ် ခြိမ်းခြောက်ပြီး ဖမ်းသွားတယ်။ ခုလောလောဆယ်တော့ အချုပ်ထဲမှာပါ” ဟု ကျောက်မဲ ဒေသခံ တစ်ဦး ကပြောသည်။
အဆိုပါ ဖမ်းဆီးသွားသူ နှစ်ဦးသည် အမျိုးသား နှစ်ဦဖြစ်ပြီး လူငယ်ပိုင်း တစ်ဦး နှင့် လူလတ်ပိုင်း တစ်ဦး ဖြစ်ကြောင်း သိရသည်။
အကြမ်းဖက် စစ်ကောင်စီ အုပ်စုမှ ဖမ်းဆီးခေါ်ဆောင်သွားသည့် အရပ်သား (၂) ဦး ကိစ္စနှင့် ပတ်သက်ပြီး လက်ရှိအချိန်ထိ မည်သည့်အကြောင်းကြောင့် ဖမ်းဆီးသွားသည်ကို ရှင်းလင်းစွာ မသိရှိရသေးပေ။
ဧပြီ (၄) ရက် ည ၈ နာရီကျော်အချိန်တွင် လှည့်ကင်းနေသည့် အကြမ်းဖက် စစ်ကောင်စီ၏ သေနတ်ရမ်းသမ်း ပစ်ခတ်မှုကြောင့် အရပ်သား (၂) ဦး ကျည်ထိမှန်ခဲ့ရကြောင်း သတင်းရရှိသည်။
Leave a Comments