ကချင်ပြည် မြစ်ကြီးနားမြို့တွင် အကြမ်းဖက် စစ်ကောင်စီတပ်ဖွဲ့မှ ယနေ့ (မတ် ၂၉ )ရက် တွင် သတင်းသမား(၂)ဦးကို ရိုက်နှက် ဖမ်းဆီးသွားကြောင်း သတင်းရရှိသည်။
မြစ်ကြီးနားမြို့ အေးစေတီရပ်ကွက်တွင် ဆန္ဒပြ ပြည်သူများကို အကြမ်းဖက်စစ်ကောင်စီ တပ်ဖွဲ့ က သပိတ်ဖြိုခွင်း နေသည့် သတင်းကို မြစ်ကြီးနား အခြေစိုက် The 74 Media သတင်းဌာန မှအမျိုးသမီး တစ်ဦး နှင့် kachin Wave သတင်းဌာနမှ အမျိုးသား တစ်ဦး တို့ သတင်းယူနေစဉ် အကြမ်းဖက် စစ်ကောင်စီက ရိုက်နှက် ဖမ်းဆီးခေါ်ဆောင်သွားကြောင်း သိရသည်။
ဖမ်းဆီးခံရသည့် သတင်းသမား ၂ ဦးက မိမိကို မရိုက်နက်ရန် ပြောဆိုသော်လည်း အကြမ်းဖက် စစ်ကောင်စီမှ သတင်းသမားဖြစ်သည့်အတွက် ပိုရိုက်ရမည်ဟု ပြောဆိုပြီး ရိုက်နှက်ခေါ်ဆောင်သွားသည်ကို မြင်တွေ့သည့် ပြည်သူတဦးက ပြန်ပြောပြသည်။
ဖေဖော်ဝါရီ (၁) ရက်နေ့က စပြီး စစ်တပ်မှ အာဏာသိမ်းပြီးနောက် သတင်းသမားများကို မတရား ဖမ်းဆီးနှိပ်စက်ခြင်း၊ ထုတ်ဝေခွင့် ပိတ်သိမ်းခြင်း၊ သတင်းလွတ်လပ်ခွင့် ခြိမ်းခြောက်ခြင်းများ နှင့် သတင်းဌာနများကို တရားစွဲဆိုခြင်းများလည်း ပြုလုပ်ကြသည်။
Leave a Comments