မြန်မာတစ်ပြည်လုံးအတိုင်းအတာဖြင့် သျှမ်းပြည် နယ်မှ တက္ကသိုလ်ဝင်တန်းစာမေး ပွဲအောင်ချက် အဆင့် (၁၂) နေရာတွင်ရှိနေကြောင်း သျှမ်းပြည်နယ် ပညာရေးမှူးရုံး ၊ ဒုတိယညွှန်ကြားရေးမှူး ဦစိန်လှိုင် ထံမှသိရသည် ။
၂၀၁၇-၁၈ ပညာသင်နှစ်အတွင်း သျှမ်းပြည်နယ် တစ်ပြည်နယ်လုံး အနေဖြင့် တက္ကသိုလ် ဝင်တန်းစာမေးပွဲ ဝင်ရောက်ဖြေဆိုသူ ၅ သောင်းကျော်ရှိသည့်အနက် တစ်သောင်း ငါးထောင်ကျော်သာ အောင်မြင်ခဲ့ ပြီး ယခင်နှစ်က ထက် အောင်ချက်လျော့နည်း သွားကြောင်းသိရသည် ။
သျှမ်းပြည်နယ် တောင်ပိုင်းအနေဖြင့် တက္ကသိုလ် ဝင်တန်း ဝင်ရောက်ဖြေဆိုသူ သုံးသောင်းကျော် ရှိသည့် အနက် အောင်မြင်သူ ကိုးထောင်ကျော် ရှိသည် ။
သျှမ်းပြည်နယ် မြောက်ပိုင်းတွင် ဝင်ရောက်ဖြေဆိုသူ တစ်သောင်းခြောက်ထောင်ကျော် ရှိသည့်အနက် အောင် မြင်သူငါးထောင်ကျော်ရှိပြီး သျှမ်းရှေ့တွင် ဝင်ရောက်ဖြေဆိုသူ ၅ ထောင် နီးပါးရှိသည့်အနက် ကိုးရာကျော်သာ အောင်မြင်ကြောင်းနှင့် သျှမ်းပြည်တစ်ပြည်နယ်လုံးအတိုင်းအတာဖြင့် အောင်ချက်ရာခိုင်နှုန်း ၂၉.၅၉% ခန့် ရှိသည်ဟု သျှမ်းပြည်နယ် ပညာရေးမှူး ရုံးမှ သိရသည် ။
သျှမ်းပြည်နယ်အတွင်း ဘာသာစုံဂုဏ်ထူးကို အမှတ်ပေါင်း ၅၄၄ မှတ်ဖြင့် အမှတ်အများဆုံးရရှိသူမှာ သျှမ်းပြည်နယ် တောင်ပိုင်း၊ တောင်ကြီးမြို့ အ.ထ.က (၄) ကျောင်းမှ ကျောင်းသား ဖြစ်ကြောင်းသိရသည် ။
သျှမ်းပြည်နယ်အနေဖြင့် ယခင်နှစ်က မြန်မာတစ်နိုင်ငံလုံးအောင်ချက်ရာခိုင်နှုန်းမှာ ၃၃.၈၇ % ရှိပြီး ယခုနှစ်အောင်ချက်မှာ ၃၃.၈၂% သာရှိသဖြင့် တနိုင်ငံလုံးအောင်ချက် ၅ % ခန့်ကျဆင်းသွားကြောင်း ဆက်လက်သိရှိရပါသည် ။
မြန်မာတနိုင်ငံလုံး အမှတ်အများဆုံးရရှိသူမှာ ရန်ကုန်မြို့ ဒဂုံ အထက ၁ မှကျောင်းသူတဦးဖြစ်ပြီး ရမှတ်မှာ ၅၅၃ မှတ်ဖြစ်ကြောင်းသိရပါသည်။
