သျှမ်းပြည်တောင်ပိုင်း တောင်ကြီးတွင် စစ်အာဏာရှင် ကျရှုံးရေးအတွက် ဆန္ဒထုတ်ဖော်ရာတွင် လူငယ်များပိုများကြောင်း စုံစမ်းသိရသည်။
မြန်မာနိုင်ငံတွင် ဖေဖော်ဝါရီ ၁ ရက် စစ်အာဏာသိမ်းပြီးနောက် တောင်ကြီးမြို့တွင် ဖေဖော်ဝါရီ ၇ ရက်နေ့မှ စတင်ကာ စစ်အာဏာရှင်ကို ဆန့်ကျင်သည့်အနေဖြင့် လမ်းပေါ်ထွက် ဆန္ဒပြကြသည်။
ထိုလူငယ်များသည် စစ်အာဏာရှင် ကျရှုံးသည့်အထိ တော်လှန်သွားမည်ဖြစ်ကြောင်းသိရသည်။
“ ကျနော်တို့ကတော့ စစ်အာဏာရှင်ကျရှုံးတဲ့ အထိတော့ ဆက်ပြီးတိုက်ပွဲဝင် ဆန့်ကျင်သွားမှာ ဖြစ်ပါတယ်။ ကျတော်တို့ ဒီလိုလမ်းပေါ်ထွက်ပြီးတော့ ဆန္ဒပြလာတာ ၃ ရက်ရှိပါပြီး” တောင်ကြီးမြို့ လူငယ်တစ်ဦး ဂျေးရို ကပြောသည်။
စစ်အာဏာရှင် စနစ်သည် ခေတ်ကို နောက်ပြန်ဆွဲသည့် စနစ်ဖြစ်ကြောင်း၊ စစ်အာဏာရှင်စနစ် အောင်မြင်သွားပါက လူငယ် တို့၏ အနာဂတ် ကို ရိုက်ချိုးလိုက်သည့် သဘောဖြစ်ပြီး မြန်မာနိုင်ငံကို ခေတ်နောက်ပြန်ရောက်သွားနိုင်ကာ တိုးတက်မှုမရှိနောက်ကျသွားနိုင်ကြောင်း ဆန္ဒပြသူတဦးဖြစ်သည့် ဂျေးရို ကပြောသည်။
ထိုသို့ စစ်အာဏာရှင်အောင်မြင်သွားပါက အင်တာနက်လိုင်းများကို ဖျတ်တောက်မည်ဖြစ်သောကြောင့် အစစအရာရာ အဆင်မပြေမှုများဖြစ်လာနိုင်ပြီ၊ လွန်ခဲ့သည့် စစ်အာဏာရှင်ခေတ်တွင် ကြုံတွေ့ခဲ့သည့် သတင်းစီးဆင်းမှု ဖွံ့ဖြိုးတိုးတက်မှု နှင့် အမှောင်ထိထဲသို့ ရောက်သွားနိုင်ကြောင်း လူငယ်များက ပြောသည်။
“ စစ်အာဏာရှင်က အင်တာနက်လိုင်းတွေကို ဖျတ်ပစ်မယ်လို့လည်း ကြားသိရတယ်။ အဲ့လိုဖြစ်ရင်တော့ အွန်လိုင်းကထိုးဖောက်နေတဲ့ ကျနော်တို့ အတွက်လဲ တော်တော်လေး အခက်ခဲဖြစ်လာနိုင်တယ်။ ဒါကြောင့် ကျနော် လူငယ်တွေရဲ့ အနာဂတ်ဟာ ဆုံးရှုံးပပျောက်သွားနိုင်ပါတယ်” ဟု အသက် ၂၅နှစ် အရွယ်သာရှိသေးသည့် ဆန္ဒပြ လူငယ်တဦး က ကပြောသည်။
ထိုကြောင့် ယခုခေတ်လူငယ်များသည် စစ်အာဏာရှင်စနစ်ကို မလိုးလာကြောင်း၊ မလိုအပ်သောကြောင့် ကျရှုံးသည့် အထိ တော်လှန်းပြီးတိုက်ပွဲ ဝင်သွားမည်ဖြစ်ကြောင်းသိရသည်။
“ ကျနော်တို့က စစ်အာဏာရှင်ဆိုတာ ငယ်ကတည်း က ကြုံဖူးတယ်။ အဲလိုကြောင့် ကျနော်တို့ စစ်အာဏာရှင် စနစ်ကို မလိုလားဘူး။ ခုမှ မြန်မာနိုင်ငံ က ပြန်ထူးထောင်လာခဲ့ ၅နှစ်တာကာလပဲရှိသေးတယ်။ အာဏာပြန်သိမ်းလိုက်ရင် လုံးဝကို ရှေ့ကျတဲ့ နိုင်ငံပြန်ဖြစ်သွားမှာပေါ့။ မြောက်ကိုရီးယား လိုပုံစံမြို့ဖြစ်သွားမှာ စိုးရိမ်းတယ်” ဟု ဂျေးရို က ထပ်လောင်း ပြောသည်။
ထိုသို့ ရှေ့ဆက်ပြီး ပုံစံအမျိုးမျိုးဖြင့် ဆန္ဒပြသွားမည်ဖြစ်ပြီး မိမိ၏ လုံခြုံရေးကိုလည်း အကောင်ဆးုံးဖြစ်အောင်နှင့် ဥပဒေဖြင့် နည်းမှန်သောပုံစံဖြစ် ဆန္ဒထုတ်ဖော်သွားမည်ဖြစ်ကြောင်း ပြောသည်။
အဆိုပါ စစ်အာဏာရှင် ကျရှုံးဖို့ရာတွင် အစိုးရ ဝန်းထမ်းများအနေဖြင့် CDM ကိုပိုပြီးလှုပ်ရှားပါဝင်ဖို့ လိုအပ်ကြောင်း၊ သတင်းအမှားများဖြန့်နေသော မီဒီယာများကို ဂရုစိုက်ရန်၊ သတင်းမှန်ထုတ်ပြန်နေသော မီဒီယာများကိုသာ ယုံရန်၊ ကမ္ဘာသိအောင် ဆန္ဒပြသွားရန် ဟု ဂျေးရိုးက ထက်လောင်းပြောသည်။
ယနေ့ အချိန်ထိ တောင်ကြီးဒေသခံ လူငယ်များသည် စစ်အာဏာရှင်ကို နည်းမျိုးစုံ ဖြင့် ဆန္ဒပြ နေကြောင်း သိရသည်။
Leave a Comments