သျှမ်းပြည် တောင်ပိုင်းတောင်ကြီးမြို့ ကန်ရှေ့ရပ်ကွက် တွင် ဖွင့်လှစ်ထားသည့် ရွှေဇာမဏီရွှေဆိုင်တွင် ယနေ့ (ဇန်နဝါရီ ၈ ရက်) နေ့လည်ပိုင်း အချိန်တွင် လုယက်မှုဖြစ်ပွားခဲ့ကြောင်း စုံစမ်းသိရှိရသည်။
တောင်ကြီးမြို့ ကန့်ရှေ့ရပ်ကွက်၊ ကုန်သည်လမ်းတွင်ဖွင့်လှစ်ထားသည့် ရွှေဇာမဏီ ရွှေဆိုင် ကို ယနေ့ နေ့လည်ပိုင်းတွင် အမျိုးသားတစ်ဦးမှ ဆိုင်ကယ်ဖြင့်လာရောက်ကာ ရွှေဝယ်ယူသည့် ပုံစံဟန်ဆောင်ပြီး ရွှေလက်စွပ်တကွင်းကို စွတ်ယူကာ ထွက်ပြေးသွားကြောင်း လုယက်မှုကို မျက်မြင်သည့်အမျိုးသားတဦးက ပြောသည်။
“ အမျိုးသားပဲ၊ သူက ရွှေဝယ်မယ်ဆိုပြီးပြလိုက်တာ။ လက်စွပ်ကိုစွတ်ကြည့်ပြီးတော့ ထွက်ပြေးသွားတာ။ လုခံရတဲ့ ရွှေက တော့ ၂ ကျပ်သား တန်းဖိုရှိတယ်လို့ကြားတယ်” ဟု ၎င်းမျက်မြင်က ထပ်လောင်းပြောသည်။
ထိုလုယက်သွားသည့် အမျိုးသားကို သက်ဆိုင်ရာ ဌာနများမှတာဝန်ရှိသူများက လိုက်လံရှာဖွေ စစ်ဆေးနေကြောင်း သိရသည်။
ထိုသတင်းနှင့်ပတ်သက်ပြီး သက်ဆိုင်ရာရဲတပ်ဖွဲ့ကို သျှမ်းသံတော်ဆင့်က မေးမြန်းရာ ပြန်လည်ဖြေဆိုခြင်းမရှိပေ။
