သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA မှ ကမကထပြုကာ ဆရာမွမ်းမံသင်တန်းကို သျှမ်းပြည်တောင်ပိုင်း နမ်စန်မြို့တွင်ကျင်းပခဲ့သည်။

ဆရာမွမ်းမံသင်တန်းသို့ သင်တန်းသား သင်တန်းသူစုစုပေါင်း ၅၀ ခန့်ရှိပြီး သင်တန်းကာလမှာ မေလ ၂၁ မှ ၂၇ ရက်နေ့အထိ ရ ရက်ကြာမြင့်ပါသည်။ သင်တန်းဖြစ်မြောက်ရေးအတွက်နမ့်စန်မြို့ သံဃာတော်များနှင့် RCSS/SSA တို့ ပူးပေါင်းဆောင်ရွက်ကြခြင်းဖြစ်ကြောင်း သင်တန်းဖြစ်မြောက်ရေး တာဝန်ရှိသူတဦးက ပြောသည်။

အဆိုပါသင်တန်းကျောင်းမှ သင်တန်းဆရာတဦးက – ဆရာမွမ်းမံသင်တန်းကိုကျနော်တို့ ပြုလုပ်လာတာအခုသင်တန်းဟာ ၅ ကြိမ်မြောက်ဖြစ်ပါတယ်။ သင်တန်းကာလ ရ ရက် တပတ်ကြာမြင့်ပါတယ်။ RCSS/SSA ထိန်းချုပ်ဒေသတွင်းဆရာတွေ အရည်အချင်းမြှင့်လာအောင်ရည်ရွယ်ပါတယ်- ဟု သျှမ်းသံတော်ဆင့်အားပြောသည်။

အဆိုပါသင်တန်းတွင် အင်္ဂလိပ်စာ၊ သချင်္ာ၊ သင်ကြားမှုနည်းပညာ၊ ဆရာ့တာဝန်၊ ဦးဆောင်မှုကဏ္ဍ၊ ရုံးလုပ်ငန်း၊ လူမှုအခြေပြုလုပ်ငန်း၊ RCSS/SSA ၏ ပညာရေးပေါ်လစီနှင့် လက်တွေ့လုပ်ဆောင်ချက်များ အစရှိသည်တို့ ပါရှိပါသည်။