Thursday, May 30, 2024

သျှမ်းပြည်ညီညွှတ်ရေးကော်မတီ CSSU အစည်းအဝေး ကျားဖြူပါတီ ဥက္ကဌ မတက်ရောက်

Must read

၂၀၂၀ ခုနှစ် သျှမ်းပြည်ညီညွှတ်ရေးကော်မတီ CSSU အစည်းအဝေးအား လက်ရှိကျင်းပနေရာမှာ အဖွဲ့ဝင်အသီးသီးမှ ခေါင်းဆောင်များအားလုံးတက်ရောက်နိုင်သော်လည်း ကျားဖြူပါတီ ဥက္ကဌ က ကျန်းမာရေးကြောင့် တက်ရောက်နိုင်ခြင်းမရှိကြောင်းကြားသိရသည်။

မတ်လ ၅ ရက်နဲ့ ၆ ရက်နေ့မှာ ကျားဖြူပါတီရုံးခန်းမှာပြုလုပ်ကျင်းပတဲ့ CSSU ရဲ့ နှစ်ပတ်လည်ညီလာခံ

ကိုဗစ်ကာလ သွားလာမှုခက်ခဲသောကြောင့် CSSU အစည်းအဝေးကို ဒီဇင်ဘာ ၁၇ မှ ၁၈ ရက်နေ့ အထိ အွန်လိုင်းဖြင့်သာ ကျင်းပပြု နေခြင်းဖြစ်ပြီး လက်ရှိ ရွေးကောက်ပွဲအပြီး ပြည်ထောင်စုမြန်မာ နိုင်ငံအရေး၊ သျှမ်းပြည်နယ်အရေး၊ NCA ငြိမ်းချမ်းရေး ကိစ္စအပါအဝင် နိုင်ငံခြားမှ ရင်းနှီးမြှုပ်နှံမှုအရေး စသည့်ကိစ္စရပ်များပါ ဆွေးနွေး ကြသည်ဟု သိရှိရသည်။

၄င်းနှင့်ပတ်သက်ပြီး ရှမ်းတိုင်းရင်းသားများ ဒီမိုကရက်တစ်ပါတီ SNDP ပါတီဥက္ကဋ္ဌ ဦးစိုင်းအိုက်ပေါင်း က “ကျန်းမာရေးသိပ်မကောင်းလို့ မတက်ဖြစ်ဘူး။ သွေးတိုး နေလို့ပါ။ ကျားဖြူ ပါတီ ကိုယ်စားပြု အနေနဲ့ ကျနော်တို့ အတွင်းရေးမှူး စိုင်းဖိုးအောင် သွားတက်ပါတယ်။ ဘာတွေဆွေးနွေးလည်းတော့ ကျနော် လည်း မသိရသေးဘူး။” ဟု သျှမ်းသံတော်ဆင့် ကိုပြောသည်။

အဆိုပါ ဆွေးနွေးပွဲတွင် (RCSS/SSA) ဥက္ကဋ္ဌ ဗိုလ်ချုပ်ကြီး ယွတ်စစ် ၊ (SSPP/SSA ) နာယက ဗိုလ်ချုပ် ကြီးဆေထင်၊ တပ်မဟာ ရ ကာလိပြည်သူ့စစ်ခေါင်းဆောင် စဝ်ကိုင်ဖ ၊ ရှမ်းတိုင်းရင်းသားများ ဒီမိုက ရေစီအဖွဲ့ချုပ် (SNLD) ဥက္ကဋ္ဌ ခွန်ထွန်းဦး ၊ ရှမ်းတိုင်းရင်းသား ဒီမိုကရက်တစ်ပါတီ(SNDP) ပါတီ အတွင်းရေးမှူး ဦးစိုင်းဖိုးအောင် နှင့် သျှမ်းလူမှု အဖွဲ့အစည်းများ တက်ရောက်ခဲ့ကြောင်း သိရသည်။

သျှမ်းပြည်ညီညွှတ်ရေးကော်မတီ(CSSU) တွင် ရှမ်းပြည် ပြန်လည်ထူထောင်ရေးကောင်စီ၊ ရှမ်းပြည် တပ်မတော် (RCSS/SSA) ၊ ရှမ်းတိုင်းရင်းသားများ ဒီမိုကရက်တစ်ပါတီ(SNDP)၊ (ရှမ်းပြည်တိုးတက် ရေးပါတီ၊ရှမ်းပြည်တပ်မတော်(SSPP/SSA)၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD) နှင့် စိန်ကျော့ပြည်သူ့စစ် တို့ပါဝင်သော ) SSJAC ရှမ်းပြည်ပူးပေါင်းဆောင်ရွက်ရေးကော်မတီ တို့က ၂၀၁၃ ခုနှစ်တွင် ဖွဲ့စည်းခဲ့ပြီး လက်ရှိတွင် သျှမ်းပြည်တွင်း နိုင်ငံရေးပါတီ နှင့် အရပ်ဘက် အဖွဲ့အစည်းများ ပူးပေါင်းပါဝင်လာခဲ့ကြသည်။

Leave a Comments

- Advertisement -spot_img

Latest article