သျှမ်းပြည်အရှေ့ပိုင်း တာချီလိတ်မြို့တွင် ယနေ့ (ဒီဇင်ဘာ ၄)ရက် မနက်ပိုင်း ၌ ကိုဗစ်-၁၉ အတည်ပြု လူနာ (၅) ဦး ထပ်မံတိုးကြောင်း စုံစမ်းသိရှိရသည်။
ဒီဇင်ဘာ (၄) ရက် မနက် ၁၀ နာရီခွဲအချိန်ထိ ကိုဗစ်-၁၉ အတည်ပြု လူနာ (၅) ဦး ရှိသွားပြီဖြစ်ကြောင်း တာချီလိတ်ဆေးရုံအုပ် ဒေါက်တာလင်းထွဋ်ဦး က သျှမ်းသံတော်ဆင့် ကိုပြောသည်။
“ခုလောလောဆယ်တော့ ကျနော်တို့ တာချီလိတ် fever clinic မှာ (၅) ယောက်တွေ့ထားပါတယ်” ဟု ဒေါက်တာ လင်းထွဋ်ဦး က ပြောသည်။
ယနေ့ နံနက် ပိုးတွေ့သည့် လူနာ သည် အမျိုးသား(၂) ဦးဖြစ်ပြီး အမျိုးသမီး (၃) ဦးပြီး ၎င်းတို့နှင့် ထိတွေ့သူများကို ဆက်လက်စုံစမ်းနေခြင်း ဖြစ်သည်။
လက်ရှိချိန်မှာ တာချီလိတ်ဆေးရုံတွင် အတည်ပြု လူနာ (၅၆) ဦး ရှိထားကြောင်း သိရသည်။
“၅၆ ယောက်က လောလောဆယ် ရှိနေတယ်။ ထပ်တိုးတဲ့ လူနာတွေလည်း ဆေးရုံမှာ မရောက်သေးတာလဲ ရှိတယ်” ဟု ဒေါက်တာ လင်းထွဋ်ဦး ကပြောသည်။
သျှမ်းပြည် အရှေ့ပိုင်း တာချီလတ်တွင်ကိုဗစ်-၁၉ လူနာ မြင့်တက်လာသည့်အတွက် ကိုဗစ်-၁၉ လူနာထိတွေ့သူများလည်း တိုးလာသဖြင့် ထိုသူများအတွက် Quarantine ထားရှိမည့်နေရာများကို ထပ်မံတိုးမြှင့်ထားကြောင်း သိရသည်။
ကိုဗစ်-၁၉ လူနာများ နေထိုင်သည့်နေရာများ၊ သွားလာသည့်နေရာများကို ကန့်သတ်နယ်မြေအဖြစ် ပိတ်ထားရကြောင်းသိရသည်။
Leave a Comments