သျှမ်းမြောက် နောင်ချိုဆေးရုံတွင် ကိုဗစ်-၁၉ အတည်ပြုလူနာ တဦးထပ်မံတိုးလာပြီး၊ ဆရာဝန်လုံးလောက်မှု မရှိကြောင်း စုံစမ်းသိရသည်။
နောင်ချိုမြို့နယ် ခြေမြစ်ပင်စစ်ဆေးရေးဂိတ်တွင် မန္တလေးမှ ပြန်လာသည့် သူတဦးထံ ယနေ့ (နိုဝင်ဘာ ၂၇)ရက်တွင် ကိုဗစ်-၁၉ ပိုးတွေ့ရှိခဲ့ပြီး၊ နောင်ချို ပြည်သူ့ဆေးရုံတွင် ယခုဆေးကုသခံယူနေသည့် ကိုဗစ်-၁၉ လူနာ ၁၂ဦးရှိပြီး၊ ထိုထဲတွင် နောင်ချိုဒေသခံ ၄ဦး ပါဝင်ကြောင်း သိရသည်။
လက်ရှိမှာ နောင်ချိုမြို့နယ်တွင် ကိုဗစ်-၁၉ လူနာများလာသည့်အတွက် လူနာကိုကုသပေးရန် ဆရာဝန် အင်အားလုံးလောက်မှုမရှိကြောင်းလည်း နောင်ချို့ ပြည်သူ့ကျန်းမာရေး ဒေါက်တာ နိုင်ဝင်းအောင် က သျှမ်းသံတော်ဆင့်ကို ပြောသည်။
“ ဆရာဝန်ကတော့ နဂိုတည်းကမလုံလောက်တာပါ။ အခက်ခဲကတော့ အများကြီးရှိတာပေါ့။ ဒီမှာက ၂ ယောက်ဘဲရှိတော့ အဆင်မပြေဘူးလေ” ဟု ပြည်သူကျန်းမားရေး ဒေါက်တာနိုင်ဝင်အောင် ကပြောသည်။
နောင်ချိုမြို့နယ် အမှတ်(၁) အထက်တန်းကျောင်းတွင် Quarantine center အဖြစ်ထားရှိပြီး၊ ကိုဗစ်-၁၉ Positive center ကို အ.မ.က (၂) တွင်သီးသန့်ထားရှိကြောင်း နောင်ချို့မြို့နယ် positive ဗဟိုလုပ်မှူဆောင် ကိုထွန်းနိုင် ကပြောသည်။
ယနေ့ ခြေမြစ်ပင် စစ်ဆေးရေး ဂိတ်တွင်တွေ့ရှိသည့် Positive လူနာနှင့် ထိတွေ့သူ ၅ဦးရှိကြောင်း ကိုထွန်းနိုင် က ပြောသည်။
မြန်မာတဝှမ်းတွင် ကိုဗစ်-၁၉ လူနာ စုစုပေါင်း (၈၅၂၀၅) ဦးရှိပြီး၊ သေဆုံးသူ (၁၈၄၆)ဦးထိရှိကြောင်းပြီး၊ သျှမ်းပြည်တဝှမ်းတွင် သျှမ်းပြည်တဝှမ်း ကိုဗစ်-၁၉ လူနာ စုစုပေါင်း (၃၆၀)ဦးထိရှိလာပြီးဖြစ်ပြီး၊ ယခုရက်ပိုင်းနေ့စဉ် ပိုးတွေ့လူနာ မြင့်တက်လာသကြောင်းသိရသည်။
Leave a Comments