သျှမ်းပြည်တောင်ပိုင် မိုင်းကိုင်မြို့နယ် စုံလော့ကျေးရွာ အတွင်းရှိဘုန်းကြီးကျောင်းသည် ယနေ့(နိုဝင်ဘာ ၂၆)ရက် မနက် ၄နာရီ ဝန်းကျင်တွင် ကထိန်ကျင်းပရန် ပြင်ဆင်နေချိန် မီးလောင်းမှုဖြစ်ပွားခဲ့ကြောင်း စုံစမ်းသိရသည်။
ဘုန်းကြီးကျောင်း မီးလောင်မှုဖြစ်စဉ်မှာ ကထိန်းကျင်းပရန်အတွက် ပြင်ဆင်နေချိန်တွင် ဘုရားစင်ပေါ်က ဖယောင်းတိုင်းမှမီးရာမှ စတင်လောင်ကျွမ်းမှုဖြစ်ခဲ့ကြောင်းသိရသည်။
“ ကျမတို့ကြားရတာကတော့ ဖယောင်းတိုင်ထွန်းထားတယ်။ ဖယောင်းတိုင်က လဲကျသွားပြီးတော့ ဘုရားစင်ကိုမီးစတင်လောင်းကျွမ်းသွားတာပါ။ ပြီးမှ ကျောင်းတော်ကြီးကို လောင်းကျွမ်းသွားတယ်။ တကျောင်းလုံး ပြာကျသွားတယ်” ဟု မိုင်းကိုင်မြို့နယ် ဒေသခံတဦးဖြစ်သည့် နန်းလင်းလင်းဦး က သျှမ်းသံတော်ဆင့်ကို ပြောသည်။
အဆိုပါ မီးလောင်မှုတွင် သံဃာတော်များထိခိုက်မှုမရှိဘဲ မီးဘေးမှ လွှတ်ကင်းရာသို့ထွက်ပြေးနိုင်ခဲ့ကာ စိုးရိမ်းရသူများမရှိကြောင်းလည်း နန်းလင်းလင်းဦး က ဆိုသည်။
ပြာကျသွားသည့် ဘုန်းကြီးကျောင်းကို ပြန်လည် ပြုပြင်ရန် အတွက် သက်ဆိုင်ရာ အစိုးရ ၊ဒေသခံများနှင့် မိဘပြည်သူများပူးပေါင်းပြီး အလှူငွေကောက်ကာ ပြုပြင်ပေးသွားမည် ဟုလည်း သိရသည်။
“ ကျမတို့မိုင်းကိုင်းက အစိုးရတွေနဲ့ ပူးပေါင်းပြီးသွားလှူဖို့ရှိပါတယ်။ အခုကပြင်ဆင်နေပါပြီ”ဟု နန်းလင်းလင်းဦး ကထပ်လောင်းပြောသည်။
မိုင်းကိုင်မြို့နယ် စုံလော့ကျေးရွာ ဘုန်းကြီးကျောင်းတွင် သံဃာတော် ၁၅ ပါး၊ ကျောင်းစောင့် ၁ဦးနှင့် ကိုရင် ၁၄ ပါးတို့ ရှိကြောင်းသိရသည်။
ကျောင်းကထိန်ခင်းဖို့အတွက် ဒေသခံ ပြည်သူများက ပြင်ဆင်နေပြီဖြစ်ကြောင်း၊ နိုဝင်ဘာ ၂၇ရက်နေ့ ကထိန်ခင်းသွားမည် ဟုလည်း သိရသည်။
အဆိုပါ မီးလောင်သွားသည်ကျောင်းသည် သက်တမ်း (၄၈)နှစ်ရှိပြီး၊ ရှေးဟောင်း အမွေအနှစ်များစွာရှိသည့် ဘုန်းကြီးကျောင်းတကျောင်းလည်း ဖြစ်သည်။
Leave a Comments