သျှမ်းပြည်မြောက်ပိုင်းလားရှိုးတွင် ကိုဗစ်-၁၉ လူနာ ၅ဦး နှင့် သီပေါတွင် ၁ဦးတိုးကြောင်း စုံစမ်းသိရသည်။
အဆိုပါ ကိုဗစ်-၁၉ လူနာသည် ယမန်နေ့ (နိုဝင်ဘာ ၁၇)ရက် ဓာတ်ခွဲခန်းစစ်ဆေးမှုများတွင်တွေ့ရှိခဲ့သည့် အတည်ပြုလူနာ (၁၅၆၉ )ဦးထဲမှ လူနာများဖြစ်ကြောင်း ယနေ့ (နိုဝင်ဘာ ၁၈)ရက် ညနေ ၄နာရီခွဲတွင် ကျန်းမာရေးနှင့် အားကစားဝန်းကြီးဌာန ထုတ်ပြန်ချက် အရသိရသည်။
“ပိုးတွေ့တာက မနေ့ကပါ။ အဖြေက ဒီနေ့မှ ထွက်တာ။ လားရှိုးက ၅ယောက် အသက် ၅၀ကျော်တဦးပါတယ်” ဟု လားရှိုးဆေးရုံကြီးမှ ဒေါက်တာ ဉာဏ်မြင့် က ပြောသည်။
ထို၅ဦးထဲမှ ၃ဦးသည် ခရီးသွားရာဇာဝင်ရှိသည်ဟုယူဆရကြောင်း ၊ ထိုလူနာ ၅ဦးထဲတွင် အမျိုးသား ၃ဦး၊ အမျိုးသမီး ၂ဦးဖြစ်ကြောင်း၊လက်ရှိမှာ ၎င်းလူနာ ၅ဦးကို လားရှိုးဆေးရုံကြီးတွင် ဆေးကုသခံယူနေကြောင်းဒေါက်တာဉာဏ်မြင့် က ပြောသည်။
ဆက်လက်ပြီး သီပေါမြို့တွင်လည်း ကိုဗစ်-၁၉ လူနာ တဦးတွေ့ရှိကာ အဆိုပါ လူနာကိုလည်း သီပေါပြည်သူ့ဆေးရုံတွင် ဆေးကုသခံယူနေကြောင်းသိရသည်။
၂၀၂၀ အထွေထွေ ရွေးကောက်ပွဲ ပြီးနောက် မြန်မာနိုင်ငံတဝှမ်းလုံး ကိုဗစ်-၁၉ ကူးစက်မှုနှုန်းတရက်လျှင် တထောင်ကျော်ထိ ရှိကာ သျှမ်းပြည်တွင် သိသိသာသာမြင့်တက်လာသည်။
ယနေ့ (နိုဝင်ဘာ ၁၈)ရက်တွင်လည်း သျှမ်းပြည် မြောက်ပိုင်း လားရှိုးဆေးရုံတွင် ဆေးကုသခံယူနေသည့် ကိုဗစ်-၁၉ လူနာတဦး သေဆုံးခဲ့ကြောင်းသိရသည်။
Leave a Comments