တောင်ကြီးမြို့ Ocean ရှေ့တွင် ယနေ့ (နိုဝင်ဘာ ၁၆)ရက် မနက်ပိုင်းတွင် ကိုဗစ်-၁၉ ကြောင့် lockdown ချခံပြည်သူများအတွက် အလှုငွေကောက်ခံသည့် ကမ်းပိန်တစ်ခုပြုလုပ်ခဲ့ကြောင်း စုံစမ်းသိရှိရသည်။

ထို့သို့အလှူငွေကောက်ခံရာတွင် ကိုဗစ် ၁၉‌ ကြောင့် ရွာငံမြို့ နယ် အတွင်းရှိ မြို့ကြီးကျေးရွာတွင် ရောဂါကူးစက် ပြန့်ပွားမှူကြောင့် lockdown ချခံရသည့် ပြည်သူများနှင့် စားဝတ်နေရေး ခက်ခဲမှုများရှိနေခြင်းကြောင်း ကောက်ခံရခြင်းဖြစ်ကြောင်း သိရသည်။

“ သျှမ်းပြည်နယ်တောင်ပိုင်း lockdown ချခံနေရတဲ့ ပြည်သူတွေအတွက် စားဝတ်နေရေး အတွက် ကျမတို့က အလှူငွေနဲ့စားသောက်ကုန်တွေ ကို အလှူငွေကောက်ခံပြီး၊ သွားပေးမှာပါ” ဟု Myanmar People’s Alliance Shan State အဖွဲ့ဝင် မမီမီသိန်း ကပြောသည်။

ရွာငံမြို့၊ မြို့ကြီးကျေးရွာတွင် ကိုဗစ် ၁၉ ရောဂါပြန်ပွားမှုကြောင့် Lockdown ချခံရသည့် အိမ်ခြေ ၆၀၀ ကျော်နီးပါရှိပြီး ရှိကြောင်းသိရသည်။

“အဓိကတော့ မြို့ကြီးကျေးရွာမှာ ရှိတဲ့ပြည်သူလူထုအများစုက လက်လုပ်လပ်စားအခြေခံလူတန်းစား တွေဖြစ်ကြတယ်။ lockdown ခံနေရတော့ အလုပ်တွေအလုပ်နိင်ဘူး။ သူတို့စားဝတ်နေရေးတွေ ခက်ခဲတယ်။ အဲဒီအတွက် ကျမတို့က ဒီတောင်ကြီးမြို့ပေါ်မှာ အလှူငွေတွေနဲ့ စားသောက်ကုန်တွေ လိုက်လံကောက်ခံပြီးသွားရောက်လှူဒါန်းပေးမှာဖြစ်ပါတယ်” ဟု မမီမီသိန်းက ပြောသည်။

ထိုအလှူခံကို ယနေ့နှင့် နိုဝင်ဘာ ၁၇ ရက်ထိပြုလုပ်သွားမည်ဖြစ်ကြောင်း သိရသည်။