တောင်ကြီး မြို့ပေါ်တွင် နိုဝင်ဘာ(၂) ရက်နေ့ ညနေ ၆ နာရီ ၃၀ ချိန်ခန့်က ဖြစ်ပွားခဲ့သော ပေါက်ကွဲသံ နှင့် ပတ်သက်၍ သက်ဆိုင်ရာမှ အဖြေအတိအကျမထုတ်ပြန် နိုင်သေးပဲ ပြည်သူများကြားထိတ်လန့် မှုဖြစ်ပွားခဲ့သည် ဟုသိရသည် ။
“ အသံက အရမ်းကျယ်တယ် တစ်မြို့လုံးကို လွှမ်းမိုးသွားတဲ့ အသံပဲ ၊ ဗျောက်သံ မဟုတ်တာတော့ လူတိုင်းသိနိုင်ပါတယ် ။ ကျွန်တော်တို့က ထိတ်လန့်တာပေါ့ ။ ဘာရည်ရွယ်ချက်နဲ့ ဘယ်သူလုပ်တာလဲ ရွေးကောက်ပွဲက ရက်ပိုင်းပဲလိုတော့တာ ဆိုတော့ သတိထားရမှာပေါ့ ” ဟုတောင်ကြီးဒေသခံ မေလင်းမို ကပြောသည် ။
ယင်း ပေါက်ကွဲမှုနှင့် ပတ်သက်၍ တောင်ကြီး ဒေသခံများကြား စိုးရိမ်ထိတ်လန့်မှုဖြစ် ပွားခဲ့ပြီး သတင်းအမှားများလည်းထွက်ပေါ်ခဲ့သည် ။ ရွေးကောက်ပွဲ ကျင်းပရန် ရက်ပိုင်း အလိုတွင် ယခုလို ဖြစ်စဉ်ဖြစ် ပွား ခဲ့ခြင်းကြောင့် နိုင်ငံရေး အသိုင်းအဝိုင်းမှ ဝေဖန်မှုများ လူမှုကွန်ရက် စာမျက်နှာ တွင် ရေးသားဖော်ပြကြသည် ကိုတွေ့ရသည် ။
ပေါက်ကွဲသံ နှင့် ပါတ်သက်၍ တာဝန်ရှိလုံခြုံရေး အဖွဲ့များက ဆက်တိုက် အဖြေရှာနေဆဲဖြစ်ပြီး နိုဝင်ဘာ (၃) ရက်နေ့ မနက် ပိုင်းတွင် သီရိမင်္ဂလာ တောင်ချွန်း စေတီတော် သို့ စစ်တပ်၊ ရဲတပ်ဖွဲ့ ၊ မီးသတ်တပ်ဖွဲ့ CID စသည့် တပ်ဖွဲ့များမှ အဆိုပါနေရာသို့ ဖြန့်ကျတ်ရှာဖွေ သော်လည်း သဲလွန်စ တစ်စုံတစ်ခု မရရှိခဲ့ပါ ။ ယင်းနောက် မွန်းလွဲပိုင်းတွင် တာဝန်ရှိသူများမှ ဆက်သွယ်ရေးကုန်းသို့ နေရာပြောင်းရှာဖွေခဲ့ကြသော်လည်း အဖြေအတိအကျမသိရသေးပေ ။
Leave a Comments