သျှမ်းပြည်တဝှမ်း စားသောက်ဆိုင်များ ပါဆယ်စနစ်ဖြင့် ရောင်းချရန် ထုတ်ပြန်ထားသော်လည်း မလိုက်နာသည့် ဆိုင်များ ရှိနေသေးကြောင်း စုံစမ်းသိရသည်။

လက်ရှိမှာ ကိုဗစ်-၁၉ ကူးစက်မှုနှုန်း မြင့်တက်လာသည့်အတွက် သျှမ်းပြည်နယ် တစ်ဝှမ်းရှိ စားသောက်ဆိုင် နှင့် လက်ဖက်ရည်ဆိုင်များကို ပါဆယ်စနစ်ဖြင့် ရောင်းချရမည့်ဟု စက်တင်ဘာ ၂၃ ရက်တွင် ထုတ်ပြန်ကြောညာခဲ့သည်။

သျှမ်းပြည် တောင်ပိုင်း တောင်ကြီးမြို့တွင် ထိုထုတ်ပြန်ချက်ကို မလိုက်နာသည့် ဆိုင်များရှိနေသေးကြောင်း၊ ထို့ကြောင့် ပါဆယ် စနစ် မရောင်းချသည့် ဆိုင်များကို အပြစ်ပေး ဆောင်ရွက်သွားမည် ဟု တောင်ကြီးမြို့နယ် အုပ်ချုပ်ရေးမှူး ဦးဖြိုးမင်းထိုက်ပြောသည်။

“ ကျနော် တို့ ပထမကြိမ်တော့ မှတ်တမ်းတင်သတိပေးမယ်။ ဒုတိယအကြိမ်ကတော့ စည်ပင်သာယာရေးကထုတ်ပြန်ထားတဲ့ စည်ကမ်းချက်နဲ့ အညီဆိုင်ပိတ်ခိုင်းတာလုပ်ခိုင်းမယ်။ တတိယအကြိမ်တော့ လိုင်းစင်သိမ်းလိုက်မယ်။ စတုတ္ထ အကြိမ်တော့ တည်ဆဲဥပဒေနဲ့ အညီ သဘာ၀ ဘေးအန္တရာယ် နဲ အမှုဖွင့်သွားဖို့ရှိတယ်” ဟု ဦးဖြိုးမင်းထိုက်က ပြောသည်။

လက်ရှိ အချိန်ထိ မလိုက်နာသေးတဲ့ ဆိုင်များရှိနေသေးကြောင်း၊ စားသောက်ဆိုင် နှင့် လက်ဖက်ရည်ဆိုင်များကို စည်ပင်သာယာရေးနှင့် ပူပေါင်းပြီး လိုက်လံစစ်ဆေး ဆောင်ရွက်နေကြောင်း ဦးဖြိုးမင်းထိုက်က ပြောသည်။

ထို့ပြင် ပါဆယ်စနစ်ဖြင့် ရောင်းချမှုသည့် အဆင်မပြေမှုကြောင်း စားသောက်ဆိုင် ပိတ်လိုက်ရသည့် ဆိုင်များရှိကြောင်း သိရသည်။

“ ကျနော် တို့ ဆိုင်က ထိုင်စားတာများတယ်။ အခုလိုပါဆယ်စနစ်နဲ့ မရောင်းရဘူး၊ ကျနော်တို့ကတော့ ပိတ်လိုက်ပြီး” ဟု တောင်ကြီးမြို့စားသောက်ဆိုင် ပိုင်ရှင် မအိ က ပြောသည်။

မြန်မာနိုင်ငံသည် ကိုဗစ် ၁၉ ကူးစက်မှုနှုန်းသည် တစ်နေ့ ထက် တစ်နေ့ မြင့်တက်လာသောကြောင့် ကျန်မားရေး နှင့် အားကစားဝန်ကြီးဌာနမှ ထုတ်ပြန်ထားသည့် စည်းကမ်းများကို လိုက်နာစေချင်ကြောင်း ဆရာဝန်များကပြောသည်။

မြန်မာနိုင်ငံသည် ကိုဗစ် ၁၉ အတည်ပြုလူနာ (၁၀၇၃၄) ဦး သေဆုံးသူ စုစုပေါင်း (၂၂၆) ဉီးရှိပြီဖြစ်ကြောင်း ကျန်မားရေးနှင့် အားကစားဝန်ကြီးဌာန ကထုတ်ပြန်ချက် အရသိရသည်။

အလုပ်သင် သတင်းထောက် စိုင်းဆိုင်လှိုင်း ရေးသားသည်။