မြန်မာ-ထိုင်းနယ်စပ် ကုန်သွယ်ရေးဂိတ်များ အပြန်အလှန် ကန့်သတ်လိုက်သည့်အတွက် တာချီလိတ်တွင် ကုန်ဈေးနှုန်းများ ကို စောင့်ကြည့်နေရသည့် အခြေအနေ ဖြစ်နေကြောင်း စုံစမ်းရသည်။

မြန်မာနိုင်ငံတွင် ကိုဗစ်-၁၉ မြင့်တက်လာသည့်အတွက် မြန်မာ-ထိုင်း နယ်စပ် ဖြတ်သန်းရန် အတွက် တရက်လျှင် ကားအစီးရေ (၆)စီးသာ ဖြတ်သန်းခွင့်ပြုတော့မည် ဟု တာချီလိတ်မြို့နယ် အုပ်ချုပ်ရေးမှူး ဦးချမ်းမြေ့စော က သျှမ်းသံတော်ဆင့် ကို ပြောသည်။

“ ဒီနေ့ကနေစပြီး နယ်စပ် ဖြတ်သန်းခွင့် (၆)စီးသာ သွားလာခွင့်ပြုတယ်။ သွားလာမှုကြောင့် ကုန်စည်ဈေးနှုန်း တက်၊ကျ ကိုတော့ ကျနော်တို့ စောင့်ကြည့်နေရတဲ့အခြေအနေပါ” ဟု ဦးချမ်းမြေ့စော က ပြောသည်။

စက်တင်ဘာ ၁၅ရက် တွင် ထိုင်းနိုင်ငံ အာဏာပိုင်များမှ ကားအစီးရေ (၁၆၈) စီး နယ်စပ်ဖြတ်သန်းခွင့်ပြုခဲ့ပြီး မြန်မာနံပတ်ဖြင့် ဖြတ်သန်းခွင့် (၆)စီးသာပေးခဲ့ကြောင်း ဦးချမ်းမြေ့စော က ပြောသည်။

“ထိုင်းကထုတ်ပြန်ထားတာက (၁၆၈) စီး မှာ မြန်မာနံပါတ်နဲကားက (၆) စီးဘဲရတယ်။ သူတို့ဖက်က ညီမျှမှုမရှိဘူး။ ကျနော်တို့ကလည်း ထိုင်းကနေပြီးတော့ (၆) စီးဘဲလက်ခံတော့တယ်။ ကိုဗစ် ၁၉ ကိုကာကွယ်ပြီးသွားတာလဲ ဖြစ်တယ်” ဟု ဦးချမ်းမြေ့စော ထပ်လောင်းပြောသည်။

ထို့ကြောင့် ယနေ့ မြန်မာ-ထိုင်းနယ်စပ် အမှတ် (၂) တံတား တွင် ထိုင်းနိုင်ငံဘက်မှ မြန်မာနိုင်ငံသို့ ဝင်မည့် ဆီဘောက်ချာကားများ၊ ကုန်ကားများ စွာ ရပ်တန်းပြီး မြန်မာပြည်ကို ဝင်ရန် စောင့်ဆိုင်းနေကြောင်း သိရသည်။

“ ဒီနေ့မှဘဲ စပြီးလုပ်နေတာဆိုတော့ သေချာတော့ပြောလို့မရဘူး။ အခြေခံ စားသောက်ကုန်တော့ ပျက်လက်သွားတာတော့မရှိဘူး။ ထိုင်းကနေ တင်သွင်းတာက အသားစိမ်း၊ မုန့်၊ အချိုရည် တွေဘဲရှိတယ်။ ဒါပေ့မဲ့ ကုန်ဈေးနှုန်းကိုတော့ စောင့်ကြည်နေရတယ်” ဟု ဦးချမ်းမြေ့စော ကပြောသည်။

အဆိုပါ အခြေခံစာသောက်ကုန်များကို ပျက်လက်သွားပါက သျှမ်းပြည်နယ်တောင်းပိုင်း တောင်ကြီးမြို့၊ သျှမ်းပြည်နယ် အရှေ့ပိုင်း ကျိုင်းတုံမြို့တို့ဘက်မှာ တင်သွင်းသွားမည်ဟု ဦးချမ်းမြေ့စောက ထပ်လောင်းပြောသည်။

မြန်မာ-ထိုင်း နယ်စပ် ဖြတ်သန်းခွင့်ကို တရက်လျှင် ကား (၆)စီးကို သာ ခေါက်တုံ့ခေါက်ပြန် သွားလာနေရသည့် အပေါ်တွင် ကုန်ဈေးနှုန်းများ တက်လာမည်ကို တာချီလိတ် ဒေသခံများက စိုးရိမ်နေကြပြီး၊ အသေးစာစီးပွားရေးလုပ်ငန်းရှင် များအနေဖြင့် အခက်ခဲများရှိနေ ကြောင်းသိရသည်။

“အခုမှစတော့ သူတို့ဘယ်လိုလုပ်မလဲဆိုတော မသိသေးဘူး။ အခုက ကုန်ပို့ရတာကြန်ကြားသွားတယ်။ ထိုင်းဖက်ကနေဝင်လာမယ့် ဓာတ်ဆီကားတွေတောင် ၁၀၀ ကျော်ရှိနေပြီ။ သူတို့ဒီလိုလိုက်တာ အလုပ်လုပ်ရတာ သိပ်တော့အဆင်မပြေတော့ဘူး” တာချီလိတ် ဒေသခံ နန်ဟွမ်ကပြောသည်။

ယခုတွင် တာချီလိတ် ဘက်ကမှန်လုံးကားမောင်းဆရာတွေ အလုပ်လက်မဲ့ဖြစ်နေကြပြီး ကုန်ပစ္စည်း ပိုအချိန်ပိုကြာသွားသည် ဟု နန်းဟွမ်က ကပြောသည်။

မြန်မာနိုင်ငံတွင် ကိုဗစ် အတည်ပြုလူနာ (၄၀၄၃) ဦးရှိပြီး၊ သေဆုံးသူ (၆၀)ဦးရှိပြီး ဖြစ်ကြောင်း ကျန်မားရေးဝန်ကြီးဌာန က ယနေ့ (စက်တင်ဘာ ၁၇)ရက် မွန်းလွှဲ ၃နာရီတွင် ထုတ်ပြန်ခဲ့သည်။

မြန်မာနိုင်ငံတွင် ကိုဗစ် ၁၉ ကူးစက်ခံရမှုနှုန်းနှင့် သေဆုံးသူဦးရေသည် ထိုင်းနိုင်ငံထက် ဦးရေ ပိုသွားပြီဖြစ်ကြောင်း သိရသည်။

အလုပ်သင် သတင်းထောက် စိုင်းဆိုင်လှိုင်းရေးသားသည်။