သျှမ်းပြည် အတွင်း ၂၀၂၀ ရွေးကောက်ပွဲ အတွက် ပါတီအသီးသီးမှဝင်ရာက်ယှဉ်ပြိုင် မည့် အမျိုးသမီး ကိုယ်စားလှယ်လောင်း ၂၀၅ ဦးရှိပြီး ရာခိုင်နှုန်းအရ ၁၉.၇၆ ရာခိုင်နှုန်း ခန့်ရှိကြောင်း ရှမ်းပြည်နယ်ရွေး ကောက်ပွဲ ကော်မရှင် ထံမှသိရသည် ။
“ ဘယ်ပါတီကအမျိုးသမီးကိုယ်စားလှယ် အများဆုံးလဲဆိုတာတော့ ခုလက်ရှိကျွန်တော် တို့ စာရင်းအတိအကျ မထုတ်ပြန်နိုင်သေးဘူး။ ဩဂုတ်လ ၂၉ ရက်နေ့မှ ကျွန်တော်တို့ အတိအကျ ထုတ်ပြန် နိုင်မယ် ။ ဒီကြားထဲမှာ ကိုယ်စားလှယ်လောင်း အမည်စာရင်း ပြန်ပြင်တာတွေ ၊ ဖြုတ်တာတွေရဲ့ကိစ္စကရှိသေးတော့ ၂၉ ရက်နေ့လောက်မှ ကျွန်တော်တို့ အတိအကျထုတ်ပြန်နိုင်ပါမယ် ” ဟု သျှမ်းပြည် ရွေးကောက်ပွဲကော်မရှင် ဥက္ကဌ ဦးထင်ကျော်က ပြောသည် ။
ပြည်နယ်ရွေးကောက်ပွဲကော်မရှင်တွင် လက်ရှိအမည်စာရင်းတင်သွင်းထားသော အမျိုးသမီးကိုယ်စားလှယ်လောင်းများ မှာ ပြည်သူ့လွှတ်တော်မဲဆန္ဒနယ်နေရာအတွက် ၆၅ ဦး၊ အမျိုးသားလွှတ်တော်မဲဆန္ဒနယ် နေရာအတွက် ၂၀ ဦး ၊ ပြည်နယ်လွတ်တော် မဲဆန္ဒနယ် (၁)၊ (၂) နေရာအတွက် ၁၁၂ ဦး တိုင်းရင်းသားလူမျိုးများ လွှတ်တော်ကိုယ် စားလှယ်လောင်းနေရာအတွက် ၈ ဦး ရှိပြီး စုစုပေါင်း ၂၀၅ ဦးရှိကာ ရာခိုင်နှုန်းအရ ၁၉.၇၆ ရာခိုင်နှုန်း ခန့်ရှိကြောင်း သိရသည် ၎င်းထံမှ ဆက်လက်သိရသည် ။
လက်ရှိတွင် သျှမ်းပြည် အတွင်း ဝင်ရောက်ယှဉ်ပြိုင်မည့် ပါတီပေါင်း ၃၂ ပါတီ ၊ တစ်သီး ပုဂ္ဂိလပါတီများအနေဖြင့် ၂၂ ဦးရှိပြီး၊ ပါတီအသီးမှ အမည်စာရင်းတင်သွင်း ထားသော ကိုယ်စားလှယ်လောင်းပေါင်း (၁၀၃၇ )ဦးခန့် ရှိ ကြောင်းဆက်လက်သိရပါသည် ။
