တောင်ကြီးမြို့ပေါ်တွင် ကားမှန်ရိုက်ခွဲကာ ငွေသားနှင့် ပစ္စည်းများအား ရ ကြိမ်တိုင်တိုင်ခိုးယူခဲ့ဖူးသူအား ဧပြီလ ၂၃ ရက်နေ့ကဖမ်းဆီးရမိကြောင်း အမှတ် ၂ ရဲတပ်ဖွဲ့ ထံမှသိရသည် ။
ပြစ်မှုကျူးလွန် သူမှာ အသက်(၅၂)နှစ်အရွယ် မိုင်းရှူးမြို့နယ် ၊ မိုင်စံမြို့နေသူ စိုင်းအွမ် ဆိုသူ ဖြစ်ပြီး ၄င်းမှာ၂၀၁၇ အောက်တိုဘာလမှ စ၍ ၂၀၁၈ ဧပြီလ ၂၃ ရက်နေ့အထိ တောင်ကြီးမြို့နယ်အတွင်းရှိ ကားမှန်များ ရိုက်ခွဲ ကာပစ္စည်း နှင့်ငွေသားများ ခိုးယူခဲ့ကြောင်း ထွက်ဆိုသည်ဟု အမှတ်ရဲစခန်းမှ နယ်ထိန်းခေါင်းဆောင် ဒုရဲအုပ်လင်းလင်းဇော် ကပြောသည် ။
“ပြည်သူတွေအနေနဲ့ ဒီလိုဖြစ်စဉ် မျိုးနဲ့ကြုံလာရင် ရဲတပ်ဖွဲ့ကိုသတင်းပေး ပြီးပူးပေါင်းဆောက်ရွက် စေချင်ပါတယ် လက်ရှိပြစ်မှုကျူးလွန်သူကို ရာဇသတ်ကြီး ပုဒ်မ ၃၇၉/ ၄၂၇ တို့နဲ့အမှုဖွွင့်ဆောင်ရွက်လျှက်ရှိပါ တယ်” ဟု ၄င်းကပြောသည်။
တောင်ကြီး မြို့ပေါ်ရေအေးကွင်းရပ် တောင်ကြီးကဖေးရှေ့ ၊ အရှေ့မြို့ပတ်လမ်း မြကန်သာပန်းခြံရှေ့ စသည့်နေရာများရှိရပ်ထားသောကားမှန် များအားရိုက်ခွဲကာ ပစ္စည်း နှင့်ငွေသားများခိုးယူ ခဲ့ခြင်းဖြစ်ကြောင်း ဆိုပါသည်။
စိုင်းအွမ်ဆို သူသည် ၂၀၁၇ အောက်တိုဘာလမှ စ၍ ၂၀၁၈ ဧပြီလ ၂၃ ရက်နေ့အထိ အဆိုပါအပြစ်မှုကို ကျူးလွန်ခဲ့ခြင်းဖြစ်သည်ဟုသိရသည် ။
တောင်ကြီးမြို့တွင် ခိုးယက် ရိုက်နှက်မှုများ များပြားလာနေပြီး ပြီးခဲ့သည့် မတ်လဆန်းပိုင်းကလည်း ကိုးတန်းကျောင်းသူတဦးအား အမျိုးသား ၂ ဦးက ဓါးခုတ်မှုတခုဖြစ်ပွါးခဲ့ပါသေးသည်။
