သျှမ်းပြည်တောင်ပိုင်း လွိုင်လင်ခရိုင် ပင်လုံမြို့နယ်တွင် ထိုင်းမှ ပြန်လာသည့် ရွှေ့ပြောင်းအလုပ်သမား ၈၀ကျော် ရှိကြောင်း စုံစမ်းသိရသည်။
အဆိုပါ ထိုင်းမှ ပြန်လာသည့် ရွှေ့ပြောင်းအလုပ်သမားများသည် ကရင်ပြည်နယ်မြဝတီ ဘက်မှ တဆင့် ပြန်လည်ဝင်ရောက်လာသူများဖြစ်သည်။
ထိုရွှေ့ပြောင်းအလုပ်သမားများသည် ယနေ့(ဇွန် ၁၇)ရက်တွင် ပင်လုံမြို့နယ် သို့ ရွှေ့ပြောင်းအလုပ်သမား ၄၀ဦး ပြန်ရောက်လာပြီး၊ ဇွန် ၁၅ရက်တွင်ရွှေ့ပြောင်းအလုပ်သမား ၄၁ဦးရောက်ရှိလာကြောင်း၊ လွိုင်လင်မြို့နယ် အမှတ်(၂) ပြည်နယ်လွှတ်တော် အမတ် နန်းမြထွေး က သျှမ်းသံတော်ဆင့် ကို ပြောသည်။d
“သူတို့ရဲ့ ဓါတ်ခွဲနမူနာ ယူပြီးတော့ ၅ ရက်မြောက်နေ့မှာ စစ်ဆေးသွားမယ်။ Negative ဖြစ်ရင် သက်ဆိုင်ရာ မြို့နယ်တွေကို ပြန်လို့ရပါပြီ” ဟု ပြည်နယ် လွှတ်တော်အမတ် နန်းမြထွေး က သျှမ်းသံတော်ဆင့် ကိုပြောသည်။
ထို ရွှေ့ပြောင်းအလုပ်သမားများ (၈၁) ဦးကို ပင်လုံတက္ကသိုလ်တွင်ထားရှိပြီး၊ Quarantine ဝင်သည့်သူများထံ စားစရိတ်ကောက်ခံကြောင်း၊ ငွေကြေး မထည့်နိုင်သည့် သူများလည်းရှိကြောင်းသိရသည်။
“Quarantine ဝင်တဲ့သူ အားလုံးကို သူတို့စားသောက်ဖို့အတွက် စားစရိတ်တွေ ထည့်ရတယ်။ ဒါပေမယ့် တစ်ချို့က ထည့်နိုင်တယ်။ တစ်ချို့က မထည့်နိုင်ဘူး။ အစိုးရဘက်ကတော့ တစ်နေ့ကို တစ်ယောက် ၂ ထောင်နှုန်းနဲ့ ထောက်ပံ့ပေးတယ်။ ဒါပေမယ့် လုံလောက်မှု မရှိဘူး” ဟု လွှတ်တော်အမတ် နန်းမြထွေး က ဆိုသည်။
ပင်လုံမြို့နယ်အတွင်းသို့ ထိုင်းမှ ပြန်လာမည့် မြန်မာရွှေ့ပြောင်းအလုပ်သမား ၂၀ကျော်ထပ်မံ ရောက်ရှိလာရန်ရှိကြောင်း သိရသည်။
ထိုင်းနိုင်ငံမှ တဆင့် ကရင်ပြည်နယ် မြဝတီသို့ ပြန်လည်ဝင်ရောက်မည့် သျှမ်းပြည်သို့ လာမည့် ရွှေ့ပြောင်း အလုပ်သမား (၂၀၀၀) ကျော် ရှိကြောင်းလည်း သိရသည်။
Leave a Comments