သျှမ်းပြည်တောင်ပိုင်း လွိုင်လင်မြို့နယ် အတွင်း ကျပ်သိန်း ၄၀ဘီလီယံကျော် တန်ဖိုးရှိ ICE မူးယစ်ဆေးများ ဖမ်းဆီးရမိကြောင်း သတင်းရရှိသည်။

အဆိုပါ ICE မူးယစ်ဆေးများကို မေ ၂၄ရက် မနက် ၂နာရီ တွင် လွိုင်လင်မြို့နယ် ဟိုတင့်ကျေးရွာအနီး၊ လွိုင်လင်-တောင်ကြီး ကားလမ်း၌ ယာဉ်မောင်း ခွန်စံဦး မောင်းနှင်းလာပြီး ဝေလင်းထွန်းလိုက်ပါလာသည့် ၁၂ဘီး ကားကို စစ်ဆေးရာ မော်တော်ယာဉ် အတွင်း ICE ၁၆၁၅ ကီလို ကို သိမ်းဆည်းရမိကြောင်း မူးယစ်ရဲ ထုတ်ပြန်ချက်အရ သိရသည်။

ထို မူးယစ်ဆေး ဖမ်းဆီးရမိသည့် ယာဉ်မောင်းနှင့် ယာဉ်နောက်လိုက်ကို စစ်ဆေးမေးမြန်းသည့် အခါ ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူ မြို့နယ်ခွဲ တွင်နေထိုင်သူ တဦး၊ မိုင်းရှူးမြို့နယ်၊ ဝမ်ဆော့ကျေးရွာဘက်တွင်နေထိုင်သူ တဦး တို့ပါဝင်ပတ်သက်နေကြောင်း မူးယစ်ရဲ ထုတ်ပြန်ထားသည်။

ICE မူးယစ်ဆေး ကျပ်သိန်း ၄၀ ဘီလီယံကျော် သယ်ဆောင်သူများနှင့် ပါဝင်ပတ်သက်သူများကို မူးယစ်ဆေးဝါး နှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေ အရ အရေးယူ ထားကြောင်း သိရသည်။

ထို့အပြင် မေ ၂၂ရက် ညနေ ၃နာရီ တွင် သျှမ်းပြည် တောင်ပိုင်း ရွာငံမြို့နယ် အောင်ပန်း-ရွာငံ ကားလမ်းပေါ်တွင် ကျပ်သိန်း၂၄၈၀ ကျော် တန်းဖိုးရှိ စိတ်ကြွဆေးပြားကို ဖမ်းဆီးရမိပြီး ယာဉ်မောင်း ထွက်ပြေး လွှတ်မြောက်သွားကြောင်း သိရသည်။