သျှမ်းပြည်နယ်တွင် ည မထွက်ရ အမိန့် ထုတ်ပြန်ပြီးနောက် စည်းကမ်းချိုးဖောက်သူ ၄၀ ကျော် ရှိကြောင်း သတင်းရရှိသည်။
ဧပြီ ၂၀ ရက်နေ့ COVID- 19 ကာလ ထိန်းချုပ်သည့်အနေဖြင့် သျှမ်းပြည် မြို့နယ်အတွင်းရှိ ည ၁၀ နာရီ မှ မနက် ၄ နာရီ် ထိ အပြင်မထွက်ရ အမိန့်ထုတ်ထားကြောင်း သိရသည်။
“အားလုံးတော့ အရေးယူထားတာ မဟုတ်သေးဘူး။ တစ်ချို့ကလည်း အမိန့်ချပြီးသားရှိတယ်။ တစ်ချို့တွေက အသက်မမှီတာတွေ ရှိတယ်။ တော်တော်များများက အမိန့်ချထားပြီးသား ဖြစ်ပါတယ်။ အယောက် ၄၀ ပတ်ဝန်းကျင် ရှိသွားပြီ” ဟု တောင်ကြီးမြို့နယ် အုပ်ချုပ်ရေးမှူး ဦးဖြိုးမင်းထိုက် က သျှမ်းသံတော်ဆင့် ကိုပြောသည်။
အမိန့်ချိုးဖောက်သူ အားလုံးသည် တောင်ကြီးမြို့အပါအဝင် အေး သာယာမြို့ နှင့် ရွှေညောင်မြို့ တို့လည်း ပါဝင်ထားကြောင်း သိရသည်။
“နေရာအစုံပဲ တောင်ကြီး အေးသာယာ ရွှေညောင်ပါတယ်။ နယ်ဘက်ခြမ်းတွေလည်းပါတယ်။ နယ်ဘက်ခြမ်းက လိုက်နာမှု အားကောင်းတယ်ပေါ့။ မြို့ဘက်ခြမ်းမှာ ဖြစ်တာများတယ်” ဟု ဦးဖြိုးမင်းထိုက် ကပြောသည်။
Covid-19 ထိန်းချုပ်နိုင်ရန်အတွက် သျှမ်းပြည်တွင်းရှိ ညမထွက်ရ အမိန့် ကို ၂ လ ထုတ်ပြန်ထားခြင်း ဖြစ်သည်။
Leave a Comments