သျှမ်းပြည် မြောက်ပိုင်း ကွတ်ခိုင်မြို့နယ် အတွင်း ကျပ်သိန်း ၃၈ ဘီလီယံ ကျော် တန်ဖိုးရှိ မူးယစ်ဆေးဝါး ဆက်စပ် ပစ္စည်းများ ပိုင်ရှင်မဲ့ သိမ်းဆည်းရမိ ခဲ့ကြောင်း သတင်းရရှိသည်။
ကွတ်ခိုင်မြို့နယ် ကောင်းခါးကျေးရွာတွင် ဖေဖော်ဝါရီ ၂၈ ရက် နှင့် ၂၉ ရက် တွင် ကျပ်သိန်း ၃၈ ဘီလီယံ ကျော် ရှိသည်မူးယစ်ဆေးဝါး ချက်လုပ်ရာတွင် အသုံးပြုသည့် ပစ္စည်းများကို သိမ်းဆည်းရမိကြောင်း တပ်မတော် ကာကွယ်ရေး ဦးစီးချုပ် မတ် ၁ ရက်တွင် ထုတ်ပြန်ထားသည်။
အဆိုပါ ပစ္စည်းများမှာ ဂက်စ် မီးဖို၊ ဓာတုဆေးရည်ဗူး၊ အက်ဆစ်များ၊ ဆေးပြာရိုက်စက် များနှင့် စိတ်ကြွဆေးများကို ပါ ဖမ်းဆီးရမိသည့်အပြင် သယ်ယူပို့ဆောင်ရာတွင် အသုံးပြုသည့် ယာဉ်များလည်း သိမ်းဆည်းရမိသည်။
ထို ဖမ်းဆီးရမိများကို သက်ဆိုင်ရာသို့ စနစ်တကျ လွှဲပြောင်းအပ်နှံသွားမည် ဖြစ်ကြောင်း နှင့် နယ်မြေ လုံခြုံရေး လုပ်ငန်းများ ဆက်လက်ဆောင်ရွက်သွားမည် ဖြစ်ကြောင်း သတင်းရရှိသည်။
ထို့ပြင် ဖေဖော်ဝါရီ ၂၉ ရက်တွင်လည်း သျှမ်းပြ အရှေ့ပိုင်း မိုင်းပန်မြို့နယ် တာဆန်းတံတား ပူးပေါင်း စစ်ဆေးရေး ဂိတ်တွင် လည်း စစ်ဆေးရာ ကျပ်သိန်း (၆၀၃၀)တန်ဖိုးရှိ မူးယစ်ဆေးဝါးများဖမ်းဆီးရမိကြောင်းသိရသည်။