သျှမ်းပြည် တောင်ပိုင်း တောင်ကြီးမြို့ ကံအောက်ရပ်ကွက်တွင် ယနေ့ နေ့လည် ၁၁နာရီကျော်တွင် နေအိမ် တလုံးမီးလောင်မှုဖြစ်ပွားကာ အမျိုးသားတဦးသေဆုံးခဲ့ကြောင်း သတင်းရရှိသည်။
ယနေ့ နေ့လည် ၁၁နာရီ ၂၅မိနစ် အချိန်တွင် နေအိမ်မီးလောင်ကျွမ်းမှုကြောင့် အသက် ၃၀နှစ် အရွယ် ကိုဆူရီယာ မီးလောင်ကျွမ်းဒဏ်ရာဖြင့် သေဆုံးသွားကြောင်း ကံအောက်ရပ်ကွက် နေထိုင်သူများပြောပြချက် အရသိရသည်။
“ မီးလောင်ထဲမှာ အမျိုးသားတဦး သေဆုံးသွားတယ်။ ဘာကြောင့်လောင်လဲဆိုတာမသိရသေးဘူး” ဟု ကံအောက်ရပ်ကွက် နေထိုင်သည့် အမျိုးသားတဦး က ပြောသည်။
မီးလောင်သည့်ထဲတွင် သေဆုံးသည့် အမျိုးသားသည် စကားမပြောနိုင်ကြောင်း၊ ခန္ဓာကိုယ်မသန်စွမ်းသည့် သူဖြစ်နေကြောင်းလည်း ရပ်ကွက်နေ ပြည်သူများပြောပြချက် အရ သိရသည်။
အဆိုပါ မီးလောင်မှု နှင့် ပတ်သက်ပြီး တောင်ကြီးမြို့မီးသတ်ဌာန မှ စုံစမ်းနေကြောင်း၊ မီးလောင်ကျွမ်းမှုကြောင့် ပျက်စီး ဆုံးရှုံးမှုကိုလည်း အသေးစိတ်မသိရှိသေးကြောင်း သိရသည်။
Leave a Comments