အပစ်ရပ်ခေါင်းဆောင်များ အဖွဲ့ အစည်းအ ဝေး PPST နှင့် NCA အကောင်အထည်ဖေါ်မှုဆိုင်ရာ JICM အစည်းအ ဝေးတက်ရောက်ရန် ဇန္နဝါရီ ၆ ရက် နေ့ မနက်ဖြန်၌ RCSS/SSA ခေါင်းဆောင် ဗိုလ်ချုပ်ကြီး ယွက်စစ် နေပြည်တော် ခရီး စတင်မည်ဟု သိရသည်။
အဆိုပါခရီးစဉ်သည် မယ်ဆိုင် – တာချီလိတ် မှတဆင့်နေပြည်တော်သို့ သီးသန့်အထူးလေယာဉ်ဖြင့် သွားရောက်မည်ဟုလည်းဆိုသည်။
၎င်းနှင့်ပတ်သက်ပြီး RCSS ပြောခွင့်ရ ဒုဗိုလ်မှူးကြီးစိုင်းဦး က- “ဟုတ်ပါတယ် JICM အစည်းအဝေးတက်ရောက်မယ့်ခရီးစဉ်ဖြစ်ပါတယ် ” – ဟု အတည်ပြုပြောဆိုသည်။
ဗိုလ်ချုပ်ကြီး ယွက်စစ် သည် ဇန္နဝါရီ ၇ ရက် နေပြည်တော်တွင်ကျင်းပမည့် PPST အစည်းအ ဝေး၊ ဇန္နဝါရီ ၈ ရက်နေ့ JICM အစည်းအ ဝေးတက်ရာက် ပြီး နောက် ပိုင်း နိုင်ငံတော်အတိုင်အပင်ခံ ဒေါ်အောင်ဆန်းစုကြည်၊ တပ်မတော်ကာကွယ်ရေးဉီးစီးချုပ် ဗိုလ်ချုပ်မှူးကြီးမင်းအောင်လှိုင် တို့နှင့်လည်း သီးသန့် တွေ့ဆုံမည်ဟု သိရသည်။
NCA တနိုင်ငံလုံးအပစ်အခတ်ရပ်စဲရေးစာချုပ် လက်မှတ်ထိုးခြင်း လေးနှစ်ပြည့်အထိမ်းအမှတ် အခမ်းအနား တက်ရောက်ရန် ပြင်ဆင်ထားသည့် ခရီးစဉ်အား တပ်မတော်ဟန့်တားသည့် နောက် ပိုင်း အခု နေပြည်တော်ခရီးစဉ် သည် ပထမ ဉီးဆုံးခရီးစဉ်ဖြစ်သည်။
Leave a Comments