သျှမ်းတော်လှန်ရေးသီချင်း အဆိုတော် စိုင်းမူး၏ မိုင်းတုံမြို့အကြောင်း ရေးဖွဲ့သီဆိုရာတွင် ထည့်သွင်းရေးသားထားသော သျှမ်းလူထု အသိုင်းအဝိုင်းကြားနာမည်ကြီးခဲ့သည့် ညောင်ဆာမ်ခါ ညောင်ပင်ကြီး ယနေ့ နံနက်ပိုင်းတွင် ပြိုလဲသွားသည်ဟုသိရသည်။
ယခုတပတ်အတွင်း မိုးဆက်တိုက်ရွာသွန်းမှုကြောင့် မိုင်းတုံမြို့ ကျောင်းခမ်းကျောင်းတိုက် ဝန်းအတွင်းရှိ မိုင့်ညောင်ဆမ်ခါ အမည်ရ ညောင်ခြေထောက် ၃ ခုဖြင့်ရပ်ထားသည့် ညောင်ပင်ကြီး ယနေ့ နံနက် ၇ နာရီအချိန်က ပြိုလဲခဲ့ကြောင်း မိုင်းတုံဒေသခံကပြောသည်။
“တကယ်ဘဲပြိုလဲသွားပါပြီ။ အဲ့နားက စေတီငယ်လေးတဆူ ၊ ကျောင်းသင်္ခန်း လေး တခု ပျက် သွားတယ်။ လူတော့မထိမိဘူး။ ညောင်ပင်က သက်တမ်းလည်းရှည်ပြီလေ။ နှစ်ပေါင်းရာချီ ရှိမယ် ထင်တာဘဲ။ လေမတိုက်ဘူး မိုးဆက်တိုက်ရွာတယ်။ အမြစ်ကလဲ ဆွေးပြီလေ။“– ဟု မိုင်းတုံဒေသခံစိုင်းစိန်က သျှမ်းသံတော်ဆင့်အားပြောသည်။
လူတရပ်စာအမြင့်ရှိ အမြစ်ကြီး၃ ချောင်းထောက်ကာ လှပသောအဆိုပါညောင်ပင်အား သျှမ်းဘာသာဖြင့်ညောင်ဆာမ်ခါ ဟု ခေါ်ဆိုကြသည်။ အဆိုတော် စိုင်းမှူး က မိုင်းတုံ အလှနှင့် ဂုဏ်ပြုသီဆိုထားသည့်အတွက် မိုင်းတုံမြို့နှင့်အတူ နာမည်ကြီးလာခြင်းဖြစ်သည်။
Leave a Comments