ထိုင်းနိုင်ငံ ဘန်ကောက်မြို့ တွင် အသေးစားဗုံးပေါက်ကွဲမှု ၃နေရာ ဆက်တိုက် ဖြစ်ပွားမှုကြောင့် မြန်မာ နိုင်ငံ များအနေဖြင့် သတိဖြင့် သွားလာရန် မြန်မာပြည်ပ အလုပ်အကိုင် ဝန်ဆောင်မှုလုပ်ငန်းရှင် များအဖွဲ့ချုပ် (MOEAF) ထုတ်ပြန်ကြေညာလိုက်သည်။
ယနေ့ မနက် ပိုင်း ဗုံးပေါက်ကွဲ သည့် ၃နေရာ မှာ ချောင့်နွန်စီ BTSဘူတာ၊ ရာမာ ၉ လမ်းမကြီးဘေး မြက်ခင်းပြင် နှင့် ထိုင်းကြည်းတပ်စစ်ဌာနချုပ်တို့ ဖြစ်သည်။
ထို့ပြင် အခြားနေရာဖြစ်သည့် ထိုင်းအစိုးရ Complex ၊ ထိုင်းကြည်းတပ်စစ်ဌာနချုပ်၊ကာကွယ်ရေးဝန်ကြီးဌာန အမြဲတမ်းအတွင်းဝန်ရုံးများအနီးတွင်လည်း ပေါက်ကွဲစေနိုင်သည့်ပစ္စည်းများထပ်တွေ့သည်ဟုသိရသည်။
မြန်မာအလုပ်သမားများနှင့် မြန်မာနိုင်ငံသားများအနေဖြင့် လမ်းခရီးသွားလာသည့် အခါ အများပြည်သူ လူကြပ်တွေနေရာတွေကို သတိထားသွားလာကြရန် MOEAF ထုတ်ပြန်ချက်တွင်ရေးသားသည်။
ထိုဗုံးပေါက်ကွဲ မှု ကြောင့် လုံခြုံရေးအတွက် စစ်ဆေးရေးများ တင်းကြပ်နိုင်ကြောင်း မိမိတို့အနေဖြင့် အထောက်အထားများဖြစ်သည့် ပတ်စပို့၊ ဝေါ့ခ်ပါမစ်တို့ကို ကိုယ်နှင့် မကွာယူဆောင်သွားကြရန် လည်း MOEAFအနေဖြင့် တိုက်တွန်းထားသည်။
မြန်မာနိုင်ငံသား အနေဖြင့် အခက်အခဲတစုံတရာရှိပါက MOEAF(ထိုင်း)Call Centreသို့ လာရောက်အကူအညီတောင်းခံနိုင်သည်။
ထိုင်းနိုင်ငံ ဘန်ကောက်တွင် ဗုံးပေါက်ကွဲမှုကြောင့် ထိခိုက်ဒဏ်ရာများရှိကြောင်း သိရသည်။