၁၉၄၇ ပင်လုံမမေ့ဖို့ လက်နက်ကိုင်အင်အားကြီး ၄ ဖွဲ့က ပင်လုံလက်စွဲစာအုပ် မိတ်ဆက်

ပင်လုံကတိကဝတ် ပင်လုံစိတ်ဓါတ်နဲ့ပတ်သက်ပြီး အသေးစိပ်လေ့လာသိရှိရအောင် လို့ တိုင်းရင်းသားလက်နက်ကိုင်တပ်ဖွဲ့ ၄ ဖွဲ့ကနေပြီးတော့ ပင်လုံလက်စွဲစာအုပ်ကို ပြုစုရေးသား ထုတ်ဝေလိုက်ပါတယ်။

သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA ၊ သျှမ်းပြည်တိုး တက်ရေးပါတီ သျှမ်းပြည်တပ်မတော် SSPP/SSA  ကချင်လွတ်မြောက်ရေးတပ်မတော် KIO ချင်းအမျိုးသားတပ်ဦး CNF တို့ ၄ ဖွဲ့ကနေ အချိန် ၂ နှစ်ကျော်ကြာအချိန်ယူပြီး ဒီ ပင်လုံလက်စွဲစာ အုပ်ကို ပြုစုရေးသားခဲ့တာဖြစ်တယ်လို့သိရပါတယ်။

ငြိမ်းချမ်းရေးလုပ်ငန်းစဉ်ကာလတလျှောက်လုံးမှာပါဝင်လာတဲ့ ပြည်ထောင်စုအင်စတီကျုက ဒါရိုက်တာ ဦးခွန်စိုင်းကတော့ -“ ပြည်ထောင်စုကိုပြန်လည်ထူထောင်မယ်ဆိုရင် ပြည်ထောင်စုဆိုတာ  ဘယ်လိုက နေစဖြစ်တာလဲ ဆိုတာကိုပြန်ကြညရမယ်။ ပြည်ထောင်စုဆိုတာ ပင်လုံစာချုပ်ကနေ စဖြစ်လာတယ်။ ပင်လုံကတိ ပင်လုံစိတ်ဓါတ်ကနေစတယ်။ ၁၉၄၇ ဖေဖော်ဝါရီလ မှာ လက်မှတ်ရေးထိုးတဲ့ စာချုပ်က နေ လာတယ်။ ပင်လုံစာချုပ်ကို ကျော်လွှားပြီး ပင်လုံစာချုပ်ကို လျစ်လျုရှုပြီး ပြည်ထောင်စု တည်ထောင် မယ်ဆိုရင်တော့လုံး၀ ရမှာမဟုတ်ပါဘူး။ အဲတာကြောင့် အများပြည်သူကနေ ပင်လုံစိတ်ဓါတ်နဲ့ ပင်လုံကတိကဝတ်တွေသိရအောင် ဆိုပြီး ပင်လုံလက်စွဲစာအုပ်ကို ရေးသားပြုစုရတာဖြစ်တယ်။” – လို့ ပြောပါတယ်။

၂၀၁၆ ခုနှစ် ဖေဖော်ဝါရီလကနေ ၂၀၁၈ ခုနှစ် အောက်တိုဘာလအထိ ၂ နှစ်ကြအချိန်ယူ ရေးသား ခဲ့တယ်။ ၂၀၁၉ မတ်လ ၅ ရက်ကနေ ၇ ရက်နေ့အထိ ချင်းမိုင်မြို့မှာ ပြုလုပ်တဲ့ PPST အစည်း အဝေးမှာ စာအုပ်စာတမ်းမိတ်ဆက်ခြင်း အခမ်းအနား ပြုလုပ်ခဲ့တာဖြစ်ပါတယ်။

ဒီစာအုပ်ကို တတ်သိပညာရှင်တော်တော်များများကနေပါဝင်ရေးသားထားတာ လို့ဆိုပါတယ်။

ဒီစာအုပ်မှာ“ဖက်ဒရေးတစ် သျှမ်းပြည်ထောင်စု၊ ကရင်နီပြည် ၊ ချင်းတောင်တန်း၊ ကချင်တောင်တန်းနဲ့ မြေပြန့်သား ဗိုလ်ချုပ်တို့တွေကနေ ပြည်ထောင်စုကိုဘယ်လိုတည်ထောင်လာသလဲ ၊ ဗိုလ်ချုပ် ပေးထားတဲ့ကတိ ၃ ချက်- ကိုယ်ပိုင်ပြဌာန်းခွင့်၊ လူ့အခွင့်အရေးနဲ့ ဒီမိုကရေစီ၊ နောက်တချက်က ငွေကြေး စီရင်ပိုင်ခွင့်ရှိရမယ် ဆိုတာတွေဟာ ကနေ့အထိ ဘာမှဖြစ်မလာသေးတာကြောင့် ပြည်ထောင်စုကြီး ပြိုကွဲခဲ့ရတယ်။ ပြည်ထောင်စုကိုပြန်လည်တည်ဆောက်ချင်ရင်တော့ ဒီအချက် ၃ ချက်ကို မျှတမှုရှိအောင် အကောင်အထည်ဖော်သွားရမယ် ” အစရှိသဖြင့် ပါရှိပါတယ်။

ပင်လုံလက်စွဲစာအုပ်ကိုလက်ရှိမှာတော့ ဗမာဘာသာနဲ့ အင်္ဂလိပ်ဘာသာ ထုတ်ဝေထားပါတယ်။