သျှမ်းပြည်တိုးတက်ရေးပါတီ SSPP နှင့် အစိုးရကိုယ်စားလှယ် နေပြည်တော်တွင်တွေ့ဆုံ

0

သျှမ်းပြည်တိုးတက်ရေးပါတီ SSPP ကိုယ်စားလှယ်အဖွဲ့ နေပြည်တော်သို့ သွားရောက်ပြီး အစိုးရ၏ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန NRPC တို့နှင့် ယနေ့နံနက်ပိုင်းတွင် တွေ့ဆုံ ဆွေးနွေးကြသည်ဟုသိရသည်။

Photo SSPP/SSA-သျှမ်းပြည်တိုးတက်ရေးပါတီ SSPP နှင့် အစိုးရကိုယ်စားလှယ် နေပြည်တော်တွင်တွေ့ဆုံ

သျှမ်းပြည်တိုးတက်ရေးပါတီ SSPP ဒုတိယ ဥက္ကဌ ၂ ဗိုလ်ချုပ် စဝ်ခွန်ဆိုင်၊ စဝ်နော်လိတ်၊ စဝ်တွန်းခမ်း၊ စဝ်ဘုန်းဟန် နှင့် စဝ်တိန်းခေါင် ၅ ဦးပါ ကိုယ်စားလှယ်အဖွဲ့သည် နေပြည်တော်အစိုးရ အမျိုးသားပြန် လည်သင့်မြတ်ရေး နှင့်ငြိမ်းချမ်းရေးဗဟိုဌာန NRPC တို့ရောက်ရှိပြီး – ရှေ့နေချုပ် ဦးထွန်းထွန်းဦး၊ ဦး သိန်းဇော်၊ ဦးခင်ဇော်ဦး( ဒု.ဗခက ငြိမ်း) ၊ ဒုတိယ ဗိုလ်ချုပ်ကြီးရာပြည့်၊ ဦးဇော်ဌေး၊ ဗိုလ်ချုပ်ထွန်းထွန်း နောင်၊ ဗိုလ်ချုပ်မင်းနောင်တို့နှင့် တွေ့ဆုံဆွေးနွေးကြသည်။

သျှမ်းပြည်တိုးတက်ရေးပါတီ ပြောရေးဆိုခွင့်ရှိသူ ဗိုလ်မှူးစိုင်းဘုန်းဟန် က ‘ အချက်အလက်တွေနဲ့ သ ဘောတူညီမှုယူပြီးဆွေးနွေးတာတော့မဟုတ်ဘူး။ ဒေသဖွံ့ဖြိုးရေးအတွက်ဘယ်လိုလက်တွဲဖေါ်ဆောင်မလဲ၊ ငြိမ်းချမ်းရေးမှာကတော့ အားလုံးပါ၀င်ရေးမူ စတဲ့ ယုံကြည်မှုတည်ဆောက်တဲ့ တွေ့ဆုံဆွေးနွေးပွဲပါဘဲ၊ ဒီနေ့တော့ NRPC နဲ့ဘဲ နက်ဖြန် တဘက်ခါရုံးပိတ်တော့ ၂၅ ရက်နေ့မှ တပ်မတော် နဲ့ တွေ့မယ် ’- ဟု ပြော သည်။

လွန်ခဲ့သည့် ဇန္နဝါရီလ ၂၅ ရက်နေ့က အစိုးရတပ်မတော်မှ သျှမ်းပြည်တိုးတက်ရေးပါတီ SSPP အပါ အဝင် လက်နက်ကိုင်တပ်ဖွဲ့များအားလုံးကျူးကျော်ထားသည့် တပ်လှုပ်ရှားမှုများအားလုံး ရုပ်ပေးဖို့ သတိပေး ထုတ်ပြန်ထားသည်။ တပ်မတော် နှင့်တွေ့ဆုံမှုတွင် အဆိုပါ ကိစ္စရပ်များ ဆွေးနွေးဖွယ်ရှိသည်ဟု ပြောသည်။

Photo SSPP/SSA-သျှမ်းပြည်တိုးတက်ရေးပါတီ SSPP နှင့် အစိုးရကိုယ်စားလှယ် နေပြည်တော်တွင်တွေ့ဆုံ

ပြီးခဲ့သည့်နှစ် ၂၀၁၈ ခု မေလ ၁ ရက်နေ့ ဦးသိန်းဇော် ဦးဆောင်သည့် အစိုးရ ငြိမ်းချမ်းရေးကောင်စီ အဆင့်မြင့်ကိုယ်စားလှယ်အဖွဲ့ ၀မ့်ဟိုင်း ဌာနချုပ်သို့ ရောက်ရှိပြီး သျှမ်းပြည်တိုးတက်ရေးပါတီ SSPP ခေါင်းဆောင်များနှင့်တွေ့သည့်နောက်ပိုင်း ယခုပထမ ဆုံးအကြိမ်ပြန်လည်တွေ့ဆုံခြင်းဖြစ်သည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here