အထူးဒေသ ၄ မိုင်းလားခေါင်းဆောင်နှင့်အဖွဲ့သည် နှစ်သစ်ကူးမေးမြန်းရေး ချစ်ကြည်ရင်းနှီးမှုခရီးစဉ်အဖြစ် ၀ တပ်ဖွဲ့ခေါင်းဆောင်အား ပန်ဆန်းဌာနချုပ် သို့သွားရောက်တွေ့ဆုံခဲ့ကြောင်းသိရသည်။
ဇန်နဝါရီလ ၁၅ နှင့် ၁၆ ရက်နေ့က ဥက္ကဌကြီး ဦးစိုင်းလင်း ဦးဆောင်သည့် အထူးဒေသ ၄ ကိုယ်စားလှယ်အဖွဲ့သည် UWSA ခေါင်းဆောင် ဒု- ဥက္ကဌ ဦးရှောက်မင်လျန်ဦးဆောင်သောအဖွဲ့အား ပန်ခမ်းမြို့ရှိ ပန်လုံဟိုတယ် တွင်သွားရောက်တွေ့ဆုံခဲ့ခြင်းဖြစ်ကြောင်းသိရသည်။
“၀ တပ်ဖွဲ့အကြီးအကဲတွေနဲ့အဖွဲ့ဝင်တွေအားလုံးကို နှစ်သစ်နှုတ်ခွန်းဆက်တာပါ။ ၂၀၁၉ ခုနှစ်ဟာ ကျနော်တို့ မဟာမိတ်အဖြစ်ရပ်တည်လာတာ နှစ်ပေါင်း ၃၀ ရှိပြီဖြစ်တဲ့အညီ အထိမ်းအမှတ်အခမ်းအနား ကျင်းပမှာဖြစ် တာကြောင့် ပြင်ဆင်နေကြတဲ့အပေါ် ဂုဏ်ယူဝမ်းမြောက်မိပါကြောင်း၊ အခမ်းအနားကို အောင်မြင်ကောင်းမွန်စွာ ကျင်းပနိုင်ပါစေကြောင်း ဥက္ကဌကြီး ဦးစိုင်းလင်းက ဆုတောင်းပါတယ်။ မိုင်းလားနဲ့ ၀ တို့ဟာ နေဒဏ်မိုးဒဏ် အန္တရာယ်အသွယ်သွယ်ကို အတူတကွကျော်လွှားပြီး မဟာမိတ်တပ်ဖွဲ့ အဖြစ်ရပ်တည်လာခဲ့တာ နှစ်ပေါင်း ၅၀ ရှိတော့မှာဖြစ်ပါတယ်။ ၀ နဲ့ မိုင်းလားတို့အတူတကွ ဆက်လက်ပြီးလက်တွဲခိုင်မြဲသွားကြမယ်- လို့ ဥက္ကဌကြီးက ပြောဆိုသွားပါတယ် ” – ဟု မိုင်းလားတပ်ဖွဲ့မှ တာဝန်ရှိသူတဦးက ပြောသည်။
အထူးဒေသ ၄ မိုင်းလားဘက်မှ ဥက္ကဌကြီး ဦးစိုင်းလင်းခေါင်းဆောင်သည့် အဖွဲ့တွင် ငြိမ်းချမ်းရေးနှင့် စည်းလုံးရေးကော်မတီ ဒု ဥက္ကဌ ဦးဆန်းပေ၊ အထွေထွေအတွင်းရေးမှူး ဦးကြည်မြင့်၊ အမြဲတမ်းကော်မတီ စိုင်းအိုက်ရှဲန်လား၊ စိုင်းခမ်းမောင် ၊ စစ်ဦးစီးမှူး ဦးလီအားချိုင်၊အတွင်းရေးမှူးအဖွဲ့ အတွင်းရေးမှူး စိုင်းမောက် တို့ပါ၀င်ပါသည်။
အထူးဒေသ ၂ ပန်ဆန်းတွင်မူ ဥက္ကဌကြီး ပေါက်ယူချမ်း ဦးဆောင်သော ဒုဥက္ကဌ ဦးရှောက်မင်လျန်၊ ဒု- ဥက္ကဌ ပြင်ပဆက်ဆံရေးဌာနမှူး ဦးကျောက်ကော်အန်း၊ ဒုအတွင်းရေးမှူး ဦးပေါက်ယိုယီးနှင့် အဖွဲ့က ကြိုဆိုကာလက်ခံ တွေ့ဆုံခဲ့ကြကြောင်း သိရပါသည်။
Leave a Comments