‘ဝ’ပြည်သွေးစည်းညီညွတ်ရေးတပ်မတော် (UWSA) ထိန်းချုပ်ရာဒေသ သျှမ်းပြည်အရှေ့ပိုင်း မိုင်းပေါက်မြို့တွင် ဓားပြတိုက်ကာ လူကိုသေစေသည့်အထိ ကျူးလွန်ခဲ့သော အမျိုးသား ၃ ဦးကို သေဒဏ်ချမှတ်ကြောင်း သတင်းရရှိသည်။
ယနေ့ (ဖေဖော်ဝါရီ ၆ ရက်) မနက်ပိုင်းတွင် မိုက်ပေါက်မြို့၌ UWSA က ဓားပြတိုက်သည့် ပြစ်မှုကကျူးလွန်ခဲ့သူ အမျိုးသား ၃ ဦးကို လူစုလူဝေးရှေ့တွင် စီရင်ချက်ချမှတ်ခဲ့ကြောင်း မိုင်းပေါက်မြို့ ဒေသခံ အမျိုးသမီးတစ်ဦးက ပြောသည်။
“ဘယ်လို ကိစ္စတွေဖြစ်ခဲ့လည်းတော့ မသိဘူး။ ပြစ်မှုကျူးလွန်သူတွေကို ကားပေါ်တင် လူရှေ့မှာ စီရင်ချက်ချတာ။”ဟု မိုင်းပေါက်မြို့ ဒေသခံအမျိုးသမီးတစ်ဦးက ပြောသည်။
ထိုသေဒဏ်ချမှတ်ခံရသည့် အမျိုးသား ၃ ဦးသည် အသက် ၂၀ ဝန်းကျင်ခန့်သာရှိကြောင်း သိရသည်။
ပြီးခဲ့တဲ့ ၂၀၂၅ ခုနှစ် ဒီဇင်ဘာလတွင်လည်း ဟိုပန်မြို့နယ်ရှိ ‘ဝ’ပြည်သွေးစည်းညီညွတ်ရေးပါတီ (UWSP/UWSA) တရားစီရင်ရေး ကော်မတီမှ လောင်းကစားအကြွေးကြောင့် လူသတ်မှုကျူးလွန်ခဲ့သူ အမျိုးသားတစ်ဦးကို သေဒဏ် ချမှတ်ခဲ့ကြောင်း သိရသည်။
Leave a Comments