သျှမ်းပြည် ပင်လောင်း-ဖယ်ခုံ တကြောတွင် စစ်ကောင်စီတပ်ဖွဲ့မှ စစ်ရှောင်များအတွက် သွားရောက်ကူညီသူများကို ဓားထောက် စစ်ဆေးကြောင်းစုံစမ်း သိရသည်။
သျှမ်းပြည် ပင်လောင်း-ဖယ်ခုံး တကြောရှိ စစ်ရှောင်များအတွက် သွားရောက်ကူညီသူများကို ဆောင်ပြောင်း၊ ရင်းမှီးနှင့်နောင်တရား ဂိတ်တို့တွင် စစ်ကောင်စီတပ်ဖွဲ့ဝင်များက ဓားထောက်စစ်ဆေးမှုပြုလုပ်သည့်အတွက် သွားရောက် ကူညီရန်ခက်ခဲနေကြောင်း ဒေသခံများက သျှမ်းသံတောင်ဆင့်ကို ပြောသည်။
“ပစ္စည်းပါတာနဲ့ ပါတဲ့ပစ္စည်းတွေကို ဓားနဲ့ထိုးတာပေါ့။ဆောင်ပြောင်းဂိတ်မှာဆိုရင် သွားပြီးဆိုရင် မှတ်ပုံတင် ထားခဲ့ရတယ် ပြန်လာမှ ပြန်ယူအဲ့လိုတွေလုပ်တယ်ပေါ့နော်။ကျနော်တုန်းကလည်း ပစ္စည်းပါတော့ ဖမ်းမယ် ဘာညာနဲ့ ရစ်တာပေါ့ ပိုင်ဆံတောင်ပေးခဲ့ရတာ။လူကိုလည်းဓားနဲ့ထောက်ပြီးစစ်တာ ရှိတဲ့ ပစ္စည်းတွေကိုလည်း ဓားနဲ့ထိုးတာ စောင်တွေဆိုပြဲကုန်တာ” ဟု ကြုံခဲ့ရသည် အမျိုးသားတစ်ဦးက ပြောသည်။
လက်ရှိ စစ်ရှောင် များအတွက် စားနပ်ရိက္ခာ နှင့် စောင်အဝတ်အထည်များကို သွားရောက်ကူညီ လှူဒါန်းရန် အတွက် အခက်ခဲ များဖြစ်ပြီး ပြည်ထောင်စု လမ်းမကြီးအတိုင်းသွားရန်လည်း စိုးရိမ်မှုများရှိနေကြောင်း စစ်ရှောင်ကူညီ သူများကပြောသည်။
“လာကူညီတဲ့လူတွေကိုလည်း သတိထားစေချင်တယ်။ကိုယ်လုံခြုံရေးလည်းကို ပြော အသက်အန္တရာယ်တွေပါ ပါသွားနိုင်တဲ့ အနေအထားပေါ့။အဲ့လာလှူမဲ့လူတွေကိုလည်း သိပ်တော့မလာစေချင်ဘူးပေါ့ အလက်ရှိ အခြေနေက။နယ်ခံတွေတောင်မှ ကြောင့်နေရတဲ့အခြေအနေပေါ့နော်။လာမယ်ဆိုရင်တော့ သတိထားစေချင်တယ်ပေါ့နော်။”ဟုဒေသခံ အမျိုးသားတစ်ဦးက ပြောသည်။
အလားတူ အောင်ပန်းဂိတ်၊ နောင်တရားဂိတ် ၊ပင်လောင်းမြို့အဝင်၊အထွက်ဂိတ်၊ရင်းမှီးရွာအနီးနှင့် ဆောင်း ပြောင်းဂိတ် တို့တွင်လည်း စစ်ကောင်စီ နှင့် PNO ပြည်သူ့စစ် များက စားသောက်ကုန်များ၊ အဝတ်အစားများ၊ မိုးကာများ နှင့် ဆေးဝါးများကို သယ်ယူဖြတ်သန်းရန် မပြုသဖြင့် စစ်ရှောင်များအတွက် အခက်အခဲများစွာ ကြုံနေရကြောင်း သိရသည်။
သျှမ်းပြည် အင်းလေးဒေသ နမ့်ပန်ကျေးရွာအတွင်း စစ်ကောင်စီဘက်မှ ပြီးခဲ့သည့် နိုဝင်ဘာလ ၃၀ ရက်မှ စ၍ စစ်ဆေးမှုများ ငွေတောင်းခံမှုများ ပြုလုပ်ကာ ဆန်၊စားဆီ၊ ခေါက်ဆွဲခြောက်၊ကုလားပဲတွေကို သယ်ယူ ဖြတ်သန်းခွင့် မပြုကြောင်းလည်း သွားရောက်ကူညီသူများကပြောသည်။
သျှမ်း-ကရင်နီတကြော “၁၁.၁၁ စစ်ဆင်ရေး”ကြောင့် နိုဝင်ဘာလ ၁၅ ရက်မှထွက်ပြေးလာပြီး၊ လက်ရှိတွင် သျှမ်းပြည် တောင်ပိုင်း ပင်လောင်း၊ ညောင်ရွှေ၊ အင်းလေးနှင့် ဆီဆိုင် ဒေသများတွင် ကရင်နီပြည်မှ အရေးပေါ် တိမ်းရှောင်လာပြီး ဘုန်းကြီးကျောင်းများနှင့် ဆွေမျိုးအိမ်များသို့ လာရောက် စစ်ဘေးရှောင်နေကြပြီး စားဝတ်နေရေး နှင့် အနွေးထည်များ လိုအပ်နေကြောင်း သိရသည်။
