မိုးဗြဲမြို့ PDF မှစစ်တပ်ထုတ်ကုန်မရောင်းရန် သတိပေးပြီးနောက် ရောင်းသူနည်းလာ

0

သျှမ်းပြည်တောင်ပိုင်း မိုးဗြဲမြို့ပြည်သူ့ကာကွယ်ရေး PDF မှ စစ်ကောင်စီ ထုတ်ကုန်ကို မရောင်းချရန်အတွက် သတိပေးစာထုတ်ပြီးနောက် ရောင်းသူနည်းပါးလာကြောင်း စုံစမ်းသိရှိရသည်။ 

မိုးဗြဲ PDF စစ်တပ်ထုတ်ကုန်မရောင်းရန် တားမြစ်

ယမန်နေ့ (မေလ ၁၁) ရက်တွင်လည်း မိုးဗြဲပြည်သူ့ကာကွယ်ရေးတပ်မတော် (MB PDF) က စစ်ကောင်စီ ထုတ်ကုန်များကို မရောင်းချရန် သတိပေးစာများကို လိုက်လံကပ်ပေးခဲ့ကြောင်းသိရသည်။

“ ကျနော်တို့ ဈေးဆိုင်ခန်းတွေမှာ သွားကပ်တယ်။ ကုန်စုံဆိုင်ကြီးတွေမှာသွားကပ်ပေးတယ်။ ပညာပေးစည်းရုံးတယ်။ ထုတ်ပြန်ချက်စာစောင်တွေကို သွားကပ်ပေးတယ်။ အဓိကတော့ စစ်ကောင်စီ ထုတ်ကုန်တွေကို မရောင်းဖို့အတွက် ကျနော်တို့ ထုတ်ပြန်တာပါ” ဟု မိုးဗြဲ PDF တပ်ဖွဲ့ဝင် တစ်ဦးက ပြောသည်။ 

မိုးဗြဲ PDF စစ်တပ်ထုတ်ကုန်မရောင်းရန် တားမြစ်

လက်ရှိ မိုးဗြဲမြို့တွင် သတိပေးစာကပ် နေသော်လည်း ကုန်စုံဆိုင်တစ်ချို့တွင် စစ်ကောင်စီထုတ် ကုန်ပစ္စည်း ဘီယာများကိုတင်ရောင်းနေသေးကြောင်းသိရသည်။

သို့သော် ယခင်ကလောက် ရောင်းအားမကောင်းပဲ ဘီယာများ ရောင်းအားကျလာကြောင်းသိရသည်။ 

မိုးဗြဲ PDF စစ်တပ်ထုတ်ကုန်မရောင်းရန် တားမြစ်

“ ရောင်နေသေးတာတော့ရှိသေးတယ်။ တစ်ချို့ဆိုင်မှာဆိုရင် ဘီယာတွေတင်ရောင်းနေသေးတာတော့ရှိတယ်။ အများကြီးတော့ မဟုတ်ဘူး။ ဘီယာတွေလည်း ရောင်းနေသေးတယ်။ ဒါပေမဲ့ ရောင်းအားကတော့ အရင်လောက်မကောင်းဘူး။ ရောင်းအားက အရမ်းကျလာတယ်” ဟု မိုးဗြဲမြို့ ဒေသခံ အမျိုးသားတစ်ဦးက ပြောသည်။

မိုးဗြဲမြို့သည် စစ်အာဏာသိမ်းပြီးနောက်ပိုင်း သျှမ်းပြည်အတွင်းတွင် စစ်ကောင်စီနှင့် အရင်ဆုံး တိုက်ပွဲဖြစ်ပွားခဲ့သည့် မြို့ဖြစ်ကြောင်းသိရသည်။

Leave a Comments