သျှမ်းပြည်အရှေ့ပိုင်း မိုင်းဆတ်မြို့နယ်တွင် ယနေ့ ၂ နာရီကြာ လက်နက်ကြီး လက်နက်ငယ်ဖြင့် ပစ်ခတ်သံကြားနေရကြောင်း စုံစမ်းသိရှိရသည်။
ယနေ့ မတ်(၁၇) ရက် မနက် ၇ နာရီကျော် မှ ၉ နာရီကျော် ထိ မိုင်းဆတ်မြို့နယ်တွင်းရှိ နမ့်ဆတ်ချောင်းဦး ဘက်တွင် လက်နက်သံ ကြားရကြောင်း စုံစမ်းသိရှိရသည်။
“လက်နက်ပစ်ခတ်သံက တဖက်အသံပဲ ကြားရတယ်။ စက်သေနတ် ပစ်တာလဲ ကြားရတယ်။လက်နက်ကြီး ပစ်ခတ်သံတွေလည်း ကြားနေရတယ်။ ဒေသခံ ပြည်သူတွေကတော့ စိုးရိမ်ထိတ်လန့်နေကြတယ်” ဟု မိုင်းဆတ်ဒေသခံ တဦးက သျှမ်းသံတော်ဆင့် ကိုပြောသည်။
ပြီးခဲ့သည့် ရက်ပိုင်းတွင် ၎င်းဒေသအတွင်း တိုင်းရင်းသား လက်နက်ကိုင် သွားလာလှုပ်ရှားမှုများ ရှိကြောင်း ၎င်းကပြောဆိုသည်။
“ပြီးခဲ့တဲ့ ၂ ရက် ၃ ရက်က RCSS တပ်သားတွေ ရောက်ရှိတာတွေ ရှိတယ်။ ကျနော်ထင်တာတော့ RCSS ကို ခြောက်လန့်ချင်လို့ ဒီနေ့ စစ်တပ်ဘက်က လက်နက်င်္ကြးတွေ ပစ်တာနေမှာ” ဟု အထက်ပါ ဒေသခံ တဦးက ပြောသည်။
စစ်တပ်ဘက်မှ နမ့်ဆတ်ချောင်းဦးဘက်မှာ လက်နက်ကြီး လက်နက်ငယ်ဖြင့် သွားရောက်ပစ်သည့်ခြင်းသည် မည်သည့် တပ်ရင်း မသိရသေးပေ။
