“ဝ” အထူးဒေသ(၂) UWSA ထိန်းချုပ်ဒေသ မိုင်းပေါက်ခရိုင်တွင် ကိုဗစ်-၁၉ လူနာသစ် ၁၄၆ဦး တိုးလာကြောင်း သတင်းရရှိသည်။
“ဝ” ပြည်သွေးစည်းညီညွတ်ရေး တပ်မတော် (UWSA)ထိန်းချုပ်သည့် ဒေသ မိုင်းပေါက်ခရိုင်တွင် ကိုဗစ်-၁၉ လူနာသစ် ၁၄၆ဦးရှိပြီး ထိုထဲတွင် မိုင်းပေါက်မြို့တွင် ၁၃၂ဦး ၊ ဟိုတောင်းမြို့ တွင် (၁)ဦး နှင့် မိုင်းဖျန်း တွင်း (၁၃)ဦးတို့ဖြစ်ကြောင်း ဇန်နဝါရီ (၁၇) ရက်တွင် “ဝ” အထူးဒေသ(၂) သတင်းထုတ်ပြန်ချက် အရသိရသည်။
“ဝ” အထူးဒေသတွင် ကိုဗစ်-၁၉ အတည်ပြုလူနာ (၂၉၉ )ဦးရှိပြီဖြစ်ပြီး၊ လက်ရှိမှာ ဆေးရုံဆင်းသူ ၄၅ဦးရှိပြီး၊ ကျန်လူနာများသည် သက်ဆိုင်ရာ ဆေးရုံတွင် ဆေးကုသခံယူနေကြောင်းသိရသည်။
ထိုကိုဗစ်-၁၉ ကူးစက်မှုနှုန်းမြင့်တက်လာမှုကြောင့် ပန်ခန်း(ပန်ဆန်း)မြို့ ဇန်နဝါရီ (၆)ရက် ည(၁၂)နာရီမှ စတင်ကာ ဇန်နဝါရီ (၃၁)ရက်ထိ Lockdown တိုးမြှင့်ချလိုက်ပြီး၊ ပြည်သူများအနေဖြင့် ကိုဗစ်-၁၉ ရောဂါကာကွယ်ထိန်းချုပ်ရေးဆိုင်ရာ စည်းမျဉ်းများကို လိုက်နာကြရန် အသိပေးခဲ့ကြောင်းသိရသည်။
“ဝ”နယ်မြေ အတွင်း ကိုဗစ် အတည်ြ့ပုလူနာများကို တရုတ်နိုင်ငံ မုံးလင်မြို့ကြက်ခြေနီး အသင်းမှ ဆေးဝါးကျွမ်းကျင်ပညာရှင်များနှင့် “ဝ” ဒေသ မှ ကျန်းမာရေး ဌာနရောဂါ ကာကွယ်ထိန်းချုပ်ရေး အဖွဲ့တို့ ပူးပေါင်းပြီး ဆေးကုသပေးနေကြောင်းသိရသည်။
UWSA ထိန်းချုပ်နယ်မြေ အတွင်း ကိုဗစ်-၁၉ ကူးစက်မှုနှုန်းမြင့်တက်လာသည့်အတွက် ထိုနယ်မြေနှင့် ထိဆက်နေသည့် အထူးဒေသ(၄) မိုင်းလားမြို့လည်း ကိုဗစ်-၁၉ ကာကွယ်သည့်အနေဖြင့် အသွားအလာ ကန့်သတ်ထားကြောင်းသိရသည်။
