Sunday, July 14, 2024

UWSA ထိန်းချုပ်နယ်မြေ ပန်ဆန်းမြို့ ကို Lockdown ချမည်

Must read

“ဝ” အထူးဒေသ (၂) UWSA ထိန်းချုပ်သည့် နယ်မြေအတွင်း ကိုဗစ်-၁၉ ပိုးတွေ့လူနာ များလာသဖြင့် ပန်ဆန်းမြို့ကို Lockdown ချမည်ဟု စုံစမ်းသိရသည်။

“ဝ” အထူးဒေသ (၂) တွင် ဇန်နဝါရီ (၄)ရက်မှ ဇန်နဝါရီ ၅ရက် တွင် မိုင်းပေါက်ခရိုင်တွင် ကိုဗစ်-၁၉ ကူးစက်ခံရသူ လူနာသစ် (၆၉ )ဦးရှိပြီး၊ UWSA ထိန်းချုပ်နယ်မြေ တခုလုံးတွင် ကိုဗစ်-၁၉ အတည်ပြုလူနာ (၁၅၃)ဦးထိရှိလာပြီး၊ လက်ရှိအချိန်ထိ သေဆုံးသူမရှိသေးကြောင်း အထူးဒေသ(၂) သတင်းထုတ်ပြန်ချက်အရသိရသည်။

ထို ကိုဗစ်-၁၉ ကူးစက်မှုနှုန်းမြင့်တက်လာမှုကြောင့် ယနေ့ (ဇန်နဝါရီ ၆)ရက် ည ၁၂ နာရီအချိန်မှ စတင်ပြီး ပန်ဆန်းမြို့တခုလုံးကို Lockdown ချသွားမည်ဖြစ်ပြီး၊ ထိုဒေသတွင်နေထိုင်သူများ တို့ဖတ်နမူနာယူကာ စစ်ဆေးပေးသွားမည် ဟု UWSA၏ သတင်းပြန်ကြားရေး တာဝန်ခံ ဦးညီရမ်း က သျှမ်းသံတော်ဆင့်ကို ပြောသည်။

“ ဒီနေ့ ၆ ရက်နေ့ ည ၁၂ နာရီကနေစပြီးတော့ ကျနော်တို့ ပန်ဆန်းမြို့ကို Lockdown ချသွားမယ်လို့ ထုတ်ပြန်ထားပြီးပါပြီ။ တို့ဖက်နမူနာတွေ စိစစ်နိုင်အောင်လို့ပါ။ ပြီးရင်ရောဂါထိထိရောက်ရောက် ထိန်းချုပ်နိုင်အောင်ပေါ့” ဟု ဦးညီရမ်းက ပြောသည်။

“ဝ” အထူးဒေသ ၂ ကို ကိုဗစ်- ၁၉ ရောဂါပိုး စစ်ဆေးမှုပေါ်မူတည်ပြီးမှ ပြန်ဖွင့်သွားဖို့ရှိကြောင်းလည်း ဦးညီရမ်း က ပြောသည်။

“ ကျနော်တို့ တမြို့လုံး အတိုင်းတာ အနေနဲ့ စစ်ပြီးတဲ့ အခြေနေပေါ်မှာ မူတည်ပါတယ်။ တမြို့လုံးအတိုင်းအတာနဲ့ တို့ဖက်နမူနာတွေ စစ်ဆေးပြီးမှပဲ ပြန်ဖွင့်ပါမယ်။ ဖွင့်မယ့်နေ့ကို ပြန်ပြီးမှ တချက်ပြန်ထုတ်ပြန်ပါမယ်” ဟု ဦးညီးရမ်းက ဆိုသည်။

“ ဝ” အထူးဒေသ(၂) မှ ကိုဗစ်-၁၉ အတည်ပြုလူနာများကို တရုတ်နိုင်ငံ မုံးလင်မြို့ ကြက်ခြေနီးအသင်းမှ ဆေးဝါးကျွမ်းကျင်ပညာရှင်များနှင့် “ဝ” ဒေသမှ ကျန်းမာရေး ဌာနရောဂါ ကာကွယ်ထိန်းချုပ်ရေါ် အဖွဲ့တို့ ပူးပေါင်းပြီး ဆေးကုသပေးနေကြောင်းသိရသည်။

“ဝ” နယ်မြေအတွင်း ကိုဗစ်-၁၉ ကူးစက်မှုနှုန်းမြင့်တက်လာသည့်အတွက် ထိုနယ်မြေနှင့်ဆက်စပ်သည့် အထူးဒေသ(၄) မိုင်းလားမြို့လည်း ကိုဗစ်-၁၉ ကာကွယ်သည့်အနေဖြင့် အသွားအလာ ကန့်သတ်ထားပြီး၊ မိုင်းလားနေထိုင်သည့် ပြည်သူအားလုံးကို ကိုဗစ်-၁၉ ရှိ၊မရှိ ပေးနေကြောင်းသိရသည်။

Leave a Comments

- Advertisement -spot_img

Latest article