ကွတ်ခိုင်မြို့နယ်တွင် မဲရလဒ် ယခုချိန်ထိ မထုတ်ပြန်နိုင်သေး

0

သျှမ်းပြည် မြောက်ပိုင်း ကွတ်ခိုင်မြို့နယ်တွင် မဲရေတွက်မှု ပြဿနာ ရှိနေသဖြင့် ယခုချိန်ထိ ရလဒ် မထုတ်နိုင်သေးကြောင်း စုံစမ်းသိရသည်။

“မဲရလဒ်ကို ဒီနေ့ မနက် ထုတ်ပြန်မယ်လို့ ပြောပြီး၊ မနက်မှာ မထုတ်နိုင်ဘူး။ ညနေလည်း ထုတ်မလားဆိုပြီး ကျနော်တို့စောင့်နေတယ်။ မထုတ်ပြန်နိုင်ဘူး ဖြစ်နေတယ်” ဟု မူဆယ်ခရိုင် အမှတ်(၅)မဲဆန္ဒနယ်တွင် ယှဉ်ပြိုင်သည့် မော်ထွန်းအောင်က သျှမ်းသံတော်ဆင့်ကို ပြောသည်။

လက်ရှိအခြေအနေတွင် ကွတ်ခိုင်မြို့နယ် ရှိ ပြည်သူများပြောပြချက်အရ မဲမသမာမှုများရှိနေကြောင်း၊ ထိုကိစ္စများကိုလည်း စုံစမ်းနိုင်အောင် ကြိုးစားဆောင်ရွက်နေကြောင်းနှင့် မဲရလဒ်ကိုလည်း ယခုချိန်ထိ မကပ်နိုင်သေးကြောင်း မော်ထွန်းအောင်က ပြောသည်။

“ ကျနော်လည်း ရလဒ်ကို သိချင်တယ်။ ကျနော်တို့ သိချင်တဲ့ ရလဒ်ကတော့ လွတ်လပ်ပြီး တရားမျှတတဲ့ ရလဒ် သိရဖို့ မျှော်လင့်ပါတယ်” ဟု မော်ထွန်းအောင် က ဆိုသည်။

ကွတ်ခိုင်မြို့နယ်တွင် နိုဝင်ဘာ (၈)ရက် ရွေးကောက်ပွဲနေ့တွင် လူစာထိုးဖြင့် မဲထည့်မှုများ ရှိနေကြောင်းသိရသည်။

Leave a Comments

SHARE