သျှမ်းပြည်တောင်ပိုင်း မိုင်းနောင် မြို့နယ် အတွင်း ယာဉ်တိမ်းမှောက်မှု ဖြစ်ပွားကာ အမျိုးသမီး ၄ဦး သေဆုံးခဲ့ကြောင်း သတင်းရရှိသည်။
ဖေဖော်ဝါရီ ၁၅ ရက်နေ့ ညနေပိုင်း ၄ နာရီ ဝန်းကျင်တွင် ခိုလမ်မြို့ ရှိ ရေပူစမ်းသွားပြီး အပြန် မိုင်းနောင် -မိုင်းနန်း ကျေးရွာ အုပ်စု ကားလမ်းပေါ်တွင် ယာဉ် တိမ်းမှောက်မှုဖြစ်ခဲ့သည်။
ထို ယာဉ်တိမ်းမှောက်မှုကြောင့် အမျိုးသမီး ၄ဦး သေဆုံးခဲ့ကာ ၊ ဒဏ်ရာရရှိသူ ၆ဦးရှိကြောင်း မိုင်းနောင်မြို့ နမ့်ခုံးပရဟိ အသင်းမှ တာဝန်ရှိသူ တဦးက ပြောသည်။
“ အသက်ကြီးတဲ့ အဘွား ၂ ယောက် နဲ့ အသက် ၁၀ နှစ် နဲ့ ၁၁ နှစ် အရွယ် မိန်းကလေး ၂ယောက် ဆုံးသွားတယ်။ ဒဏ်ရာရသူတွေ ကိုတော့ လွိုင်လင်ဆေးရုံကိုပို့ထားရတယ်” ဟု နမ့်ခုံး ပရဟိတ အသင်း မှ တာဝန်ခံ အမျိုးသမီး က ဆိုသည်။
သေဆုံးသူများကို ဖေဖော်ဝါရီ ၁၆ ရက်တွင် မီးသဂြိုလ်ပေးခဲ့ကြောင်းသိရသည်။
လက်ရှိ ယာဉ်တိမ်းမှောက်ပြီး ဒဏ်ရာရသည့် သူ ၆ ဦး မှာ လွိုင်လင်ဆေးရုံ မှာ ဆေးကုသခံယူနေပြီး စိုးရိမ်စရာအခြေအနေမရှိကြောင်းလည်း သူမ က ထပ်လောင်းပြောသည်။
ယာဉ်တိမ်းမှောက်သူများသည် ကျေးသီးမြို့နယ် မိုင်းနန်းအုပ်စု နောင်တောင်းကျေးရွာတွင် နေထိုင်ကြသူများဖြစ်သည်။
သျှမ်းပြည် တောင်ပိုင်း လွယ်လင်ခရိုင်ရှိ ကျေးသီးမြို့နယ် မိုင်းနောင် မိုင်းနန်းကြား ကားလမ်းသည် ကျဉ်းမြောင်းနေသေးပြီး၊ ယာဉ်မောင်းများမှာလည်း အရှိန်မြင့်မောင်းနှင်မှုကြောင့် ယာဉ်တိုက်မှု ၊ ယာဉ်တိမ်းမှောက်မှု မကြာခဏ ဖြစ်ပွားသည် ဟုလည်း ကားသမားများက သုံးသပ်ပြောသည်။
