PPST အစည်းအဝေးကို သြဂုတ်လ လယ်ခန့်တွင်ကျင်းပမည်ဟု RCSS ပြော

0

တစ်နိုင်ငံလုံး အပစ်အခတ်ရပ်စဲရေးသဘောတူညီမှုစာချုပ် NCA လက်မှတ်ရေးထိုးထားသည့် တိုင်းရင်းသားလက်နက် ကိုင်အဖွဲ့စည်းများ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ PPST အစည်းအဝေးအား သြဂုတ်လ ၂၁ ရက်သို့ပြောင်းရွှေ့သွားသည်ဟုသိရသည်။

Photo NCA’S EAO- ယခုနှစ်မေလက ချင်းမိုင်မြို့တွင်ကျင်းပသော PPST အစည်းအဝေး

RCSS အတွင်းရေးမှူး ၂ လည်းဖြစ်ပြောရေးဆိုခွင့်လည်းဖြစ်သည့် ဗိုလ်မှူးကြီးစိုင်းငင်းက – PPST အစည်းအဝေးပေါ့။ တစ်ဆို့နေတဲ့ငြိမ်းချမ်းရေးအကြောင်း ၊ ၂၁ ရာစု ပင်လုံညီလာခံ ဒီ ၂၀၁၉ ထဲမှာ ကျင်းပ မလား ၊ ကျင်းပရင်အဆင်ပြေမလား ဆိုတာကို ဆွေးနွေးမှာဖြစ်မယ်။ လူစုံအောင်စောင့်ရတာကြောင့်အစည်းအဝေးရက်နောက်ကျသွားတာပါ – ဟု သျှမ်းသံတော်ဆင့်အားပြောသည်။

PPST အစည်းအဝေးအား သြဂုတ်လ ၅ ရက်နေ့တွင်ကျင်းပရန်လျာထားသော်လည်း သြဂုတ်လ ၂၁ မှ ၂၄ ရက်နေ့အထိ ပြောင်းရွှေ့ကျင်းပမည်ဖြစ်ကြောင်းသိရသည်။

ထိုသို့ အစည်းအဝေးရက်ပြောင်းခြင်းနှင့်ပတ်သက်ပြီး 7 Day သတင်းဌာနက – KNU လည်း တက်ရောက်မည်ဖြစ်သဖြင့် ရက်အနည်းငယ်ရွှေ့ပေးရန် တောင်းဆိုလာသောကြောင့် ဖြစ်ကြောင်း ဖော်ပြထားသည်။

အပစ်ရပ်လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့ ၈ ဖွဲ့ (RCSS/SSA , PNLO, CNF, ABSDF, KNU, DKBA, KNLA-PC, ALP ) စုပေါင်းကာ ၂၀၁၆ ခုနှစ်က PPST ကိုဖွဲ့စည်းလိုက်ပြီးလက်ရှိ PPST အစည်းအဝေးများတွင် NCA အကောင်အထည်ဖော်ဖက်များ ဖြစ်သည့် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) မှ ခေါင်းဆောင်များ ပါတက်ရောက်ဆွေးနွေးကြမည်ဖြစ်သည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE