ဗိုလ်မိုးဟိန်း ကွယ်လွန်ခြင်း ၂၇ နှစ်ပြည့် အခမ်းအနား ဗိုလ်ချုပ်ကြီးယွက်စစ်တက်ရောက်

သျှမ်းပြည်တော်လှန်းရေးခေါင်းဆောင် ဗိုလ်မိုးဟိန်း ခေါ် စဝ် ကွဏ်းဇိဏ်း ကွယ်လွန်ခြင်း ၂၇ နှစ်ပြည့် အောင့်မေ့ခြင်းအထိမ်းအမှတ်အခမ်းအနားအား ထိုင်း-မြန်မာနယ်စပ်ရှိ ၄င်း၏ ဂူဗိပ္မာန်တွင်ကျင်းပရာ RCSS/SSA ခေါင်းဆောင် ဗိုလ်ချုပ်ကြီးယွက်စစ် တက်ရောက်ခဲ့သည်။

၂၀၁၈ ဇူလိုင် ၁၂ ရက်နေ့သည် ဗိုလ်မိုးဟိန်းကွယ်လွန်ခြင်း ၂၇ နှစ်ပြည့် အောင့်မေ့ခြင်း အလှူအား ၄င်း၏ ပိန်းလုံ နှင့် လတ်တိုင်ရှိ ၄င်း၏နေအိမ်တွင်လည်းကောင်း၊ ၀တ်ဖဝိန်းအင်းဘုန်းကြီးကျောင်းတွင်လည်းကောင်း၊ ဇူလိုင်လ ၁၁ ရက်မနက်ပိုင်းတွင် ၄င်း၏ ဂူဗိမာန်ရှိရာ ထိုင်း-မြန်မာနယ်စပ် ၊ ထိုင်းနိုင်ငံဘက်ခြမ်းရှိ ချင်းမိုင်ခရိုင် ပိန်းလုံမြို့နယ် လတ်တိုင်ကျေးရွာတွင် ကျင်းပခဲ့သည်။

အခမ်းအနားတက်ရောက်သည့် သျှမ်းပြည်တပ်မတော် RCSS/SSA ခေါင်းဆောင် ဗိုလ်ချုပ်ကြီးယွက်စစ်က – “စဝ်ကွဏ်းဇိဏ်း ဟာ စည်းလုံးညီညွတ်ရေးအတွက် လုပ်ဆောင်တဲ့ ခေါင်းဆောင်ကောင်းတယောက်ဖြစ်တယ်။ သမာသမတ်ကျင့်သုံးတယ်။ သူဆုပ်ကိုင်ကျင့်သုံးတဲ့ မဏ္ဍိုင် ၄ ရပ်ဖြစ်တဲ့ ပြုပြင် ၊ လက်ခံ၊ စည်းလုံးနဲ့ ကူညီ ဖေးမ မှုအတိုင်း ဒို့တတွေကျင့်သုံးရင် အမျိုးသားရေးလုပ်ငန်း အထူးအောင်မြင်မယ်။ လေနဲ့ဘဲစည်းလုံးရေး လုပ်နေမယ့် အစား ကိုယ်တိုင်ကိုယ်ကျ လုပ်ဆောင်မှသာ စည်းလုံးမှုရနိုင်မယ် – ဟု ပြောကြားခဲ့သည်။

အဆိုပါအခမ်းအနားသို့ ဗိုလ်ချုပ်ကြီးယွက်စစ်အပြင် ဒုဥက္ကဌ ဒုတိယ ဗိုလ်ချုပ်ကြီး စိုင်းယီ၊ အကြံပေးပုဂ္ဂိုလ် စဝ်ပိုင်းမိန်း၊ စဝ်ကဏ်းဇိတ်း၊ စဝ်ခင်းဆိုင် တို့တက်ရောက်ခဲ့့ပြီး ဗိုလ်မိုးဟိန်း၏ တပည့်တပန်းဟောင်းများ ကေဒါတပ်သားများ လည်းတက်ရောက်ကြောင်း၊ ၀ိန်းဟိုင်မြို့နယ် ၊ ပိန်းလုံအုပ်စု ၊ လတ်တိုင်ရွာ တို့မှ ဆိုင်ရာအာဏာပိုင်များလည်း တက်ရောက်ခဲ့ကြောင်းသိသည်။

စဝ်ကွဏ်းဇိန်း ကွယ်လွန်ခြင်းနှစ်ပတ်လည်နေ့တိုင်း အထိမ်းအမှတ် အောင့်မေ့ခြင်းအခမ်းအနားအား ဗိုလ်ချုပ်ကြီးယွက်စစ်မှ နှစ်စဉ်ဦးဆောင်ကျင်းပသည်။

သျှမ်းညီညွတ်ရေးစွမ်းဆောင်မှုသမိုင်းတွင် မှတ်တမ်းတင်နိုင်ခဲ့သော တော်လှန်ရေးခေါင်းဆောင် ဗိုလ်မိုးဟိန်း အမည်ရ စဝ်ကွဏ်းဇိဏ်း သည် ၁၉၉၁ ခုနှစ် ဇူလိုင်လ ၁၁ ရက်နေ့ အသက် ၆၆ နှစ်အရွယ်တွင် သက်ကြီးရောဂါဖြင့် ကွယ်လွန်ခဲ့ပါသည်။