သျှမ်းပြည်မြောက်ပိုင်း ကွတ်ခိုင်မြို့နယ် အတွင်း မူးယစ်ဆေး နှင့် ဆက်စပ်ပစ္စည်းများအား တန်ဖိုးဘီလီယံပေါင်း များစွာအထိ ဆက်တိုက် ဖမ်းဆီးမိခဲ့သော်လည်း တရားခံ ကိုမူ ဖမ်းဆီးရမိခြင်းမရှိခဲ့ပေ။
ဖေဖော်ဝါရီ ၂၈ ရက်မှ မတ် ၄ ရက်ထိ ကျပ်သိန်း ၉၃ တန်ဖိုးရှိ မူးယစ်ဆေးများနှင့် ဆက်စပ်ပစ္စည်းများကို ကွတ်ခိုင်မြို့နယ် ကောင်းခါးကျေးရွာနှင့် လွယ်ခမ်းကျေးရွာတို့တွင် သိမ်းဆည်းရမိခဲ့သည်။
ထို ၉၃ ဘီလီယံတန်ဖိုးရှိ မူးယစ်ဆေးနှင့်ဆက်စပ်ပစ္စည်းများမှာ ကောင်းခါးကျေးရွာတွင် ငွေကျပ် ၉၁ ဘီလီယံ ကျော်နှင့် ဖေဖော်ဝါရီ ၄ ရက် လွယ်ခမ်းကျေးရွာအနီး ၂ဘီလီယံ ကျော် တို့ကိုဖမ်းဆီးရမိခဲ့ခြင်းဖြစ်သည်။
ထိုသိမ်းဆည်းရမိ ဲ့ မူးယစ်ဆေး နှင့် ဆက်စပ်ပစ္စည်းများနှင့်ပတ်သက်ပြီး တရားခ တဦးတလေမျှ မဖမ်းမိခဲ့ပေ။
ယမန်နေ့ မတ်လ ၄ ရက်က လွယ်ခမ်းတွင် သိမ်းဆည်းရမိသည့် ပစ္စည်းများမှာ မူူးယစ်ဆေးဝါး မွှေစက်မျိုးစုံ၊ ရေခဲသေတ္တာ၊ အဝတ်လျှော်စက်၊ ဘွိုင်လာအိုး၊ ဖန်ပေါင်းအိုး၊ ဆေးပြားရိုက်စက်၊ အက်ဆစ်ကော်ပေပါ၊ မော်တော်ယာဉ်တို့ဖြစ်ပါသည်။
“ အဲ့နေရာ မှာ အိမ်တိုင်း နီးပါး ဆေးပြားလုပ်တဲ့ စက်တွေ၊ ဆေးပြားတွေ ရှိတယ်။ အဲ့ဘက် နေတဲ့သူ အများစု ကတရုတ်တွေပါ” ဟု ကွတ်ခိုင်ဒေသခံ အသက် ၃၀ကျော် အမျိုးသားတဦးက ပြောသည်။
အဆိုပါနေရာများတွင် ကွတ်ခိုင်မြို့ နှင့် ၁၈မိုင် ခန့်သာ ဝေးကွာပြီး ၄၅ မိနစ်ကျော် ဆိုင်ကယ်ဖြင့် သွားရသည်။