မိုင်းခတ် အဲန် နေထိုင်သည့်ကျေးရွာ မီးလောင်မှုဖြစ် စားဝတ်နေရေး ခက်ခဲ

0

သျှမ်းပြည် အရှေ့ပိုင်း မိုင်းခတ်မြို့နယ် ဝမ်အွန်ကျေးရွာ အုပ်စု အတွင်း အဲန် တိုင်းရင်းသားနေထိုင်သည့် ကျေးရွာ မီးလောင်မှု ဖြစ်ပွားကာ စားဝတ်နေရေး အတွက် အခက်အခဲ ရှိနေကြာင်း သတင်းရရှိသည်။

Photo by ဒေသခံတဦး/ အဲန်နေထိုင်ကျေးရွာ မီးလောင်ပြီး ပျက်စီးသွားသည့် အိမ်များ

ဖြစ်စဉ်မှာ ဖေဖော်ဝါရီ ၁၂ရက်တွင် မိုင်းခတ်မြို့နယ် ဝမ်အွန်ကျေးရွာ အုပ်စုရှိ အန်ဝမ်မတ်ကျေးရွာ တွင် မီးလောင်မှု ဖြစ်ပွား ကာ အိမ်ခြေ ၆၀ ကျော် ပျက်စီး ဆုံးရှုံးခဲ့ပြီး၊ လက်ရှိမှာ အဝတ်အစား၊ လူသုံးကုန် ပစ္စည်းများနှင့်ဆေးဝါးများ လိုအပ်နေကြောင်း မီးလောင်သွားသည့်နေရာကို လိုက်လံ ကူညီပေးနေသည့် နန်းနွမ်းခမ်း က သျှမ်းသံတော်ဆင့် သို့ပြောသည်။

Photo by ဒေသခံတဦး/ အဲန်နေထိုင်ကျေးရွာ မီးလောင်ပြီး ပျက်စီးသွားသည့် အိမ်များ

“ သက်ဆိုင်ရာက တော့ ကူညီပေးပါတယ်။ ဒီချိန်က အေးတဲ့ အချိန်ဆိုတော့ အိပ်ယာတွေ၊အဝတ်အစားတွေ ဆေးဝါးတွေ လိုအပ်နေသေးတယ်” ဟု နန်းနွမ်းခမ်း က ဆိုသည်။

ထိုမီးလောင်မှုကြောင့် အိမ်ခြေ ၆၀ကျော် လူဦးရေ ၃၆၀ကျော် အိုးမဲ့ အိမ်မဲ့ ဖြစ်နေကြောင်း နန်းနွမ်းခမ်း ကပြောသည်။

Photo by ဒေသခံတဦး/ အဲန်နေထိုင်ကျေးရွာ မီးလောင်ပြီး ပျက်စီးသွားသည့် အိမ်များ

လက်ရှိမှာ နေအိမ်မှာ မီးလောင် ပျက်စီးသွားမှုကြောင့် တဲများ ဆောက်ကာ နေနေရကြောင်း၊ သက်ဆိုင်ရာမှ နေအိမ်များ ပြန်ဆောက်ပေးရန် စီစဉ်နေကြောင်းလည်း နန်းနွမ်းခမ်းက ပြောပြသည်။

ဝမ်အွန်ကျေးရွာ အုပ်စု သည် မိုင်းခတ်မြို့ မှ သွားပါက ၁နာရီ ခန့် ကားမောင်းရသည်။

Photo by ဒေသခံတဦး/ အဲန်နေထိုင်ကျေးရွာ မီးလောင်ပြီး ပျက်စီးသွားသည့် အိမ်များ

အဲန်လူမျိုးများသည် အဝတ်အစား အနက်ရောင် ကို သာ ဝတ်ဆင်ကြသည့် လူမျိုးများဖြစ်သည့်အတွက် လက်ရှိမှာ သာမာန် ဝတ်နေသည့် အင်္ကျ ီထက် ပိတ်စ အနက်ရောင် ကို လိုအပ်နေကြောင်း သိရသည်။

Leave a Comments

SHARE