၂၀၂၀ ရွေးကောက်ပွဲ တွင် ငြိမ်းချမ်းသည့် ပတ်ဝန်းကျင် တည်ဆောက်ပြီး ပြည်တွင်းစစ် ချုပ်ငြိမ်းရန် အတွက် ညီနောင် မဟာမိတ်(၃)ဖွဲ့ တဖက်သတ် အပစ်ရပ်ဆိုင်းခြင်း ထပ်မံ တိုးလိုက်ကြောင်း ကြေညာလိုက်သည်။
ညီနောင်မဟာမိတ် ၃ဖွဲ့ဖြစ်သည့် ကိုးကန့် တပ်ဖွဲ့ (MNDAA)၊ တအာင်း တပ်ဖွဲ့ (TNLA) နှင့် ရခိုက် တပ်ဖွဲ့ (AA) တို့သည် တဖက်သတ် အပစ်ရပ်ဆိုင်းရေးကို ၂၀၂၀ ခုနစ် ဇန်နဝါရီ (၁) ရက်မှ ၂၀၂၀ ဖေဖော်ဝါရီ ၂၉ ရက် နေ့အထိ ၂လ ထပ်မံ တိုးမြှင့်လိုက်ကြောင်း ကြေညာချက်တွင် ရေးသားထားသည်။
ထို ညီနောင် မဟာမိတ် (၃)ဖွဲ့ သည် အပစ်ခတ်ရပ်ဆိုင်းရေး ဆိုင်ရာ စာချုပ် (Bilateral Ceasefire Agreement) နှင့် ၂၀၂၀ ရွေးကောက်ပွဲတွင် ငြိမ်းချမ်းသော ပတ်ဝန်းကျင် ကို တည်ဆောက်ပြီး ပြည်တွင်းစစ် ချုပ်ငြိမ်း ကာ ငြိမ်းချမ်းရေး ကို ဖော်ဆောင်ရန် အတွက် တစ်ဖက်သတ်ရပ်ဆိုင်းခြင်း ဖြစ်သည် ဟု လည်း ကြေညာချက်တွင် ဖော်ပြထားသည်။
သို့သော် ညီနောင် မဟာမိတ် (၃)ဖွဲ့ ဖက်မှ တဖက်သတ် အပစ်အခတ်ရပ်ဆိုင်းကြောင်း ကြေညာထားသည့် ကာလ အတွင်း မြန်မာ့တပ်မတော် မှ ထိုးစစ်ဆင်လာပါက ခုခံကာကွယ်သွားမည်ဟုလည်း ထုတ်ပြန်ကြေညာချက်တွင် ထည့်သွင်းရေးသားထားသည်။
ညီနောင် မဟာမိတ် ၃ဖွဲ့ သည် စက်တင်ဘာ ၉ ရက်မှ အောက်တိုဘာ ၈ ရက်အထိ တလကြာ အပစ်ရပ် ကြေညာခဲ့ပြီး၊ ဒုတိယ အကြိမ်အနေဖြင့် စက်တင်ဘာ ၂၀ ရက်မှ ဒီဇင်ဘာ ထိထပ်မံတိုးမြင့်ခဲ့သည်။
လက်ရှိသည် တတိယ အကြိမ် တဖက်သတ် အပစ်ရပ်ကြေညာထားခြင်းဖြစ်ကြောင်း သိရသည်။
ယခင်ညီနောင်မဟာမိတ်(၃)ဖွဲ့ အပစ်သတ်အပစ်ခတ်ရပ်စဲရေး ကြေညာထားသည့် ကာလအတွင်း သျှမ်းပြည်နယ်မြောက်ပိုင်း နှင့် ရခိုင်ပြည်နယ် အတွင်း နေ့စဉ်နှင့် အမျှ တိုက်ပွဲများဖြစ်ပွားကာ ဒေသခံများ လက်နက်ကြီးထိမှန်သေဆုံးနေရပြီး၊ နေရပ်စွန့်ခွာ ထွက်ပြေးနေရသည်။
